سودان باش وزیری عبدالله حمدوک وظیفه سیدن استعفاء ایتگن لیگینی بیلدیردی

دولت تلویزیونیده بیانات بیرگن عبدالله حمدوک شولرنی ایتدی:

"سودان خلقی گه یول بیریش اوچون، امانت نی تسلیم بیردیم و استعفاء بیریش گه قرار قیلدیم" دیدی.

حمدوک اولکه نینگ فلاکت گه بارمسلیگی اوچون قولیدن کیلگن نی قیلگن لیگینی معلوم قیلدی.

حمدوک "سودان انقلابی هدفلری سری آلغه بارماقده" دیب ایتدی.

حمدوک اولکه نینگ قیسقه مدتده توزه تیلمه گن تقدیرده موجودیتینی تهدید آستیگه آلگن یمان وضعیت گه دوچ قالگن لیگینی معلوم قیلیب برچه اورونیشلریگه بناً بحرانگه ییچیم تاپیش اوچون سیاسی، حربی قاله ویرسه برچه تامانلر بیلن ملاقات قیلگن لیگینی بیراق نتیجه قولگه کیریته آلمه گن لیگینی افاده ایتدی.

اولکه ده اردو 25 اوکتبرده باشقروونی قولگه کیریتیب آلرکن ملکی باشقروو طرفدارلری ایسه حربیلرنینگ قیشله گه قیتیب باریشینی طلب ایتیب او تاریخدن بیری مظاهره لر اوتکزماقده ایدی. مظاهره لرده یوز بیرگن حادثه لرده 54 کیشی حیاتینی یوقاتگندی.

اردو ایسه 2023 ییلی 23 جولای تاریخیده گی سیلاوده یوزه گه چیقه دیگن حکومت گچه اقتدارگه شریک بولیب دوام ایتشینی بیلدیرماقده.