امریکا قوشمه ایالتلری نینگ افغانستانده فوق العاده نماینده تعیین قیلگن لیگی بیلدیریلدی

امریکا قوشمه ایالتلری تشقی ایشلر وزیری انتونی بلینکن افغانستاندن چیققندن کیین افغانستانده خاتین – قیز، قیز باله لر و انسان حقلری بیلن علاقه لی فوق العاده نماینده تعیین قیلگن لیکلرینی بیلدیردی.

انتونی بیلنکن آلدین بیرلشگن ملتلر تشکیلاتی چوکاتیده تینچلیک اورنه تیش جریانی گه کمک قیلگن رینا امیری نینگ افغانستانلیک خاتین – قیز، قیز باله لر و انسان حقلری بوییچه فوق العاده نماینده ایتیب تعین قیلینگن لیگینی معلوم قیلدی.

امیری گه استفانی فاسترنینگ مصلحتچی ایتیب تعیین قیلینگن لیگینی قید ایتدی.

بلینکن "ایککی ته یوقاری ظرفیتلی و محترم ییتکچی، تشقی ایشلر وزیرلیگی نینگ افغانستانده خاتین – قیز، قیز باله لر و انسان حقلرینی قوللب – قوتلش اوچون حیاتی اهمیتی بولمیش فعالیتلر آلیب باره دی" دیب ایتدی.

بلینکن "فوق العاده نماینده اوله راق امیری، مین نینگ، بو باشقروو و امریکا قوشمه ایالتلری باشقرووی ملی خوفسیزلیگی اوچون جوده مهم بولگن خاتین – قیز، قیز باله لر و ایریم ریسک آستیده گی همجمعیتلرنینگ انسان حقلری و ایرکینلیکلری کبی موضوعلرده فعالیت قیله دی. برچه افغانستانلیکلرنینگ سیاسی، اقتصادی و اجتماعی توده ایچیده حیات کیچیریب رواجلنه دیگن تینچلیک، برقرارلیک و امنیتلی بیر أفغانستان خواهله یمیز. فوق العاده ایلچی امیری انه شو مقصدلر بیلن مین بیلن یقین همکارلیک ایچیده بولیب ایشله یدی" دیب ایتدی.

امریکا قوشمه ایالتلری آگست آییده افغانستاندن چیقرکن آرقه سیدن کتته بحران یوز بیرگندی.

پایتخت کابل نینگ طالبان نینگ کنترولی گه اوتیشی بیلن اون مینگلب افغانستانلیک امریکا قوشمه ایالتلری اوجاقلری آرقه لی اولکه نی ترک ایتیب کیتیش گه اورونگندی.