یمنده عرب ائتلافی یوزلب حوثی جنگریسی نینگ اولدیریلگن لیگینی ادعا ایتدی

یمنده حکومت نی قوللب – قوتله گن سعودی عربستان باشچیلیگیده گی عرب ائتلافی اولکه نینگ ماریب ولایتیده ایران قوللب – قوتله گن حوثیلرگه قره ته اویوشتیرگن حربی عملیاتلرده 310 ته جنگری نینگ اولدیریلگن لیگی بیلدیریلدی.

عرب ائتلافی تامانیدن بیریلگن بیاناتده سونگگی 24 ساعتده یمن نینگ ماریب ولایتیده حوثیلرگه قره ته 36 ته حربی عملیات اویوشتیریلگن لیگی معلوم قیلیندی.

اوشبو حربی عملیاتلرده 310 ته حوثی جنگریسی نینگ اولگن لیگی 28 ته حربی واسطه نینگ یوق قیلیب تشلنگن لیگی قید ایتیلدی.

موضوع بوییچه حوثیلر تامانیدن بیانات بیریلمه دی.

اوزتاق مدتدن بیری سیاسی برقرارسیزلیک دوام ایتیب تورگن یمنده ایران حمایه سیده گی حوثی حرکتی 2014 ییلی سپتامبر آییدن بیری پایتخت صنا و بعضی بیر منطقه لرنینگ کنترولینی قولگه آلیب تورگن.

سعودی عربستان باشچیلیگیده گی ائتلاف کوچلری ایسه 2015 ییلی مارچ آییدن بیری حوثیلرگه قرشی یمن حکومتینی قوللب – قوتله ماقده.