تورک دولت لری تشکیلاتی فضا آژانس لری ییغیلیشی بولیب اوتدی

آذربایجان پایتختی باکوده تورک دولت لری تشکیلاتی اعضاسی و ناظر دولت لرنینگ فضا آژانس لری و تیگیشلی اداره لری نینگ ییغیلیشی بولیب اوتدی. 

آذربایجان فضا آژانسی میزبانلیگیده بولیب اوتگن ییغیلیش گه تورکیه, قزاقستان, قیرغزستان, اوزبیکستان, تورکمنستان و هنگری مقام لری اشتراک ایتدی. 

ییغیلیشده, تورک دولت لری تشکیلاتی اعضاسی اولکه لرنینگ فضا پروژه لر بیلن علاقه لی صحبت ایتیلدی. 

عینی دمده ییغیلیشده, خوددی شوو دولت لر آره سیده فضایی فعالیت لر بوییچه همکارلیک نینگ آرتیریلیشی و ایش استقامت لری نینگ انیقلشتیریلیشی توغریسیده سوز یوریتیلدی. 

ییغیلیشده تورکیه دن نماینده لیک قیلگن تورکیه فضا آژانسی باشلیغی سردار حسین ییلدیریم, بیرگن بیاناتیده, "اهمیتی کیین معلوم بوله دیگن تاریخی قدم لر تشله ماقده میز" دییه قید ایتدی. 

آذربایجان فضا آژانسی نینگ باشلیغی صمدالدین اسدوف ایسه, تورک دولت لرنینگ هم فضایی فعالیت لر بوییچه اوز ارا همکارلیک قیلیشی کیره ک ایکن لیگی نی معلوم قیلدی. 

تورک دولت لری تشکیلاتی عمومی سکرتری نینگ اورینباسری میر واحد عظیم اف, اعضا اولکه لرنینگ فضایی فعالیت لر بوییچه یخشی بیر ظرفیت گه ایکن لیگی نی بیلدیررایکن, "اولکه لرنینگ اوشبو ظرفیت لری دن فایده له نیش لری و بیر بیر لری نینگ تجربه لری دن استفاده ایتیش لری فضایی فعالیت لر توغریسیده گی همکارلیک باره سیده مهم بیر زیربنا تشکیل ایته دی" دییه قید ایتدی.