اسلام همکارلیک تشکیلاتی افغانستان موضوعی بوییچه فوق العاده جلسه اوتکزدی

اوشبو جلسه تشقی ایشلر وزیرلری سویه سیده بولیب اوتدی

1749929
اسلام همکارلیک تشکیلاتی افغانستان موضوعی بوییچه فوق العاده جلسه اوتکزدی

اسلام همکارلیک تشکیلاتی تشقی ایشلر وزیرلری کینگشی 17- فوق العاده جلسه سیده افغانستانگه انسانی یاردم ریجه لنیشی مقصدی بیلن اسلام ترقیات بانکی دایره سیده "انسانی امانت فندی" قوریلیشی بوییچه قرار قبول قیلیب آلیندی.

اسلام همکارلیک تشکیلاتی تشقی ایشلر وزیرلری 17- فوق العاده جلسه سیده "افغانستانده گی انسانی وضعیت بیلن تیگیشلی مشترک قرار" و "اسلام آباد اعلامیه سی" قراری قبول قیلیب آلیندی.

مذکور قرارده افغانستانگه انسانی یاردم نینگ ریجه لنیشی مقصدی بیلن اسلام ترقیات بانکی دایره سیده "انسانی امانت فندی" قوریلیشی بوییچه قرار قبول قیلیب آلینر ایکن اسلام ترقیات بانکیدن اوشبو یاردم فندی کیلجک ییل نینگ بیرینچی چارگی گچه ایجاد ایتیلیشی طلب قیلیندی.

اشلام همکارلیک تشکیلاتی گه منسوب دولتلر قاله ویرسه خلق ارا همجمعیت گه افغانستانگه انسانی یاردم تامین ایتیش چقیریغی قیلینگن خوددی شو قرارده افغانستان نینگ مالی ذخیره لریگه ایریشیش نینگ بیر چوکیش گه توسیق بولیش و اقتصادی سکتورنینگ جانلنیشی گه مهم حصه قوشه جگی و بو اولکه نینگ موزله تیلگن دارائی لری نینگ آزاد ایتیلیشی اوچون توغری یوللرنینگ قیدیریلیشی تاکییدلندی.

مذکور قرارده افغانستان گه مادی و انسانی یاردم نینگ قیته دن باشله تیش اوچون فند و بانکدارلیک کاناللری نینگ قاشیده گی توسیقلرنی کوتریب تشلش اوچون تیگیشلی بیرلشگن ملتلر تشکیلاتی باشقروولری بیلن بیر جریان نینگ باشله تیلیش قرار قبول قیلیب آلیندی.

بو قرارده افغانستان مقاملریگه کینگ کولملی بیر فعالیت گه دوام ایتیشی و خاتین – قیزلر قاله ویرسه افغانستان همجمعیتی نینگ برچه تامانلر گه قتنشیشی اوچون بیر نقشه ترتیب بیریلیشی چقیریغی قیلیندی.

افغانستانگه واکسین و طبی اسباب تداریک ایتیب بیریلیشی اوچون دنیا ساغلیکنی سقلش گروهی بیلن علاقه تامین ایتیلیشی تاکییدلنگن قرارده افغانستانده برچه ترور تشکیلاتلریگه قرشی عملی آدیملر آتیش چقیریشی قیلیندی.

افغانستانده آذیق – اوقات خوفسیزلیگی دستوری باشله تیلیشی اوچون اسلام آذیق – اوقات خوفسیزلیگی تشکیلاتیدن کیره کلی آدیملرنی آتیشی طلب ایتیلگن. شونده ی بولیب یاردم اورونیشلری، اقتصادی و سیاسی علاقه نی دوام ایتتیریش اوچون اسلام همارلیک تشکیلاتی باش کاتیب لیگی انسانی، مدنی و عایله ایشلریدن مسؤل باش کاتب اورینباسری بویوک ایلچی طارق علی بخت نینگ اسلام همکارلیک تشکیلاتی نینگ افغانستان مخصوص نماینده سی ایتیب تعیین قیلینیش قراری قبول قیلیب آلیندی.  



علاقه لی ینگی لیکلر