اروپا بیرلیگی کابلده دیپلوماتیک نماینده لیک آچیش تیارگرلیگی کورماقده

اروپا بیرلیگی افغانستانده گی مشترک دیپلوماتیک نماینده لیگینی بیر نیچه هفته ایچیده آچیش اوچون تیارگرلیک کورماقده.

اروپا بیرلیگی کینگشی سوزچیلریدن نبیله مسرالی، اروپا بیرلیگی نینگ افغانستان نینگ پایتختی کایلده «کیچیک بیر نماینده لیک» آچیش اورونیشی نینگ دوام ایتیب تورگن لیگینی ایتدی.

خوفسیزلیک موضوعی باعث کینگ معلومات بیریشدن قول تارتگن مسرالی، مشترک دیپلوماتیک نماینده لیگی نینگ باشله شی نینگ بیر نیچه هفته ایچیده ممکن ایکنلیگیدن خبر بیردی.

مسرالی نماینده لیک نینگ آچیلیشی نینگ "اروپا بیرلیگی نینگ طالباننی رسمی روشده تن آلمه گن لیگی نی" تاکییدله دی.

اروپا بیرلیگی ییتکچیلری افغانستانده آلیب باریلیشی نی ریجه له گن انسانی یاردملر کبی موضوعلر قاله ویرسه بیر قطار موضوعده طالبان نینگ اوتیش دوری ییتکچیلری بیلن مناسبت قوریش نینگ شرط ایکن لیگینی معلوم قیلماقده.

اروپا بیرلیگی دوره ریاستینی 1 جنوریده تسلیم آلیش تیارگرلیگی آلیب تورگن فرانسه اروپا بیرلیگی اولکه لری نینگ کابلده مشترک بیر دیپلوماتیک نماینده لیک قوریش نی تکلیف ایتگندی.

فرانسه جمهور باشلیغی ایمانوئیل مکرون 4 دسامبرده قطرگه اویوشتیرگن سفری چاغیده شولرنی ایتدی:

"بعضی بیر اروپا اولکه لری اورته سیده کابلده بویوک ایلچیلیگیمیزنینگ آچیلیشی گه امکانیت یراتووچی مشترک بیر جای، بیر ارگانیزیشن قوریلیشی اوستیده باش قاتیرماقده میز" دیگندی.

اروپا بیرلیگی ییتکچیلری ناتونینگ افغانستاندن یاز فصلیده چیقیب کیتیشی نینگ آرتیدن باشقروونی قولگه کیریتیب آلگن و اوتیش دوری حکومتی قورگن طالباننی رسمی روشده تن آلمسلیکلرینی تاکییدله ماقده. بیراق بعضی بیر موضوعلرده دیالوگ و همکارلیک قیلیشلری کیره ک لیگینی معلوم قیلماقده.