امریکا قوشمه ایالتلری روسیه نی آگاهلنتیردی

اوشبو توغریسیده آق اوی سوزچیسی بیانات بیردی

1742449
امریکا قوشمه ایالتلری روسیه نی آگاهلنتیردی

آق اوی سوزچیسی جین ساکی, اوکراین مسئله سی توغریسیده روسیه نی آگاهلنتیردی. 

ساکی, ترتیب له گن مطبوعاتی کنفرانسی جریانیده, اوکراین مسئله سی بوییچه امریکا بیلن روسیه اورته سیده گی جنجال نی بهالنتیردی. 

ساکی, مسکو نینگ اوکراین گه قره تیلگن "قتتیق" سیاستی نی یقیندن کوزه تیاتگن لیک لری نی بیلدیردی. 

عینی دمده ساکی, امریکا قوشمه ایالتلری تشقی ایش لر وزیری انتونی بلینکن نینگ, روسیه لیک کسبداشی سرگئی لاوروف بیلن بولیب اوتگن اوچره شوویده اوکراین مسئله سی توغریسیده گی قیغو لری نی انیق روشده بیلدیرگن لیگی نی معلوم قیلدی.

امریکا نینگ روسیه گه قرشی تحریم دن باشقه بیر امکانیتی نینگ موجود ایکن لیگی یاکه ایمس لیگی توغریسیده بیریلگن بیر سئوال گه جواب قیترگن ساکی, اوکراین گه حربی یاردم لر میزانی نی آرتیرگن لیک لری نی بیلدیردی. 

ساکی, "روس لر 2014- ییلده (قیریم نینگ الحاق ایتیلیشی پروسه سیده) بولگن لیگی دیک حرکت قیلیشی تقدیرده قولیمیزده کوپلب امکانیت لرنینگ موجود ایکن لیگی نی روس لر گه بیلدیردیک" دییه قید ایتدی. 

بلینکن, استکهلم ده روسیه لیک کسبداشی لاوروف بیلن بولیب اوتگن اوچره شووده, مسکونینگ, اوکراین چیگره سیده گی حربی بحران نی آرتیریشی تقدیرده یمان نتیجه لر گه سبب بوله دیگن لیگی نی بیلدیرگن ایدی. 



علاقه لی ینگی لیکلر