بیرلشگن ملتلر تشکیلاتی طالبان نینگ نماینده سینی بویوک ایلچی ایتیب قبول قیلمه دی

سهیل شاهین نی بیرلشگن ملتلر تشکیلاتیده بویوک ایلچی ایتیب کاندید بیرگندی

1741792
بیرلشگن ملتلر تشکیلاتی طالبان نینگ نماینده سینی بویوک ایلچی ایتیب قبول قیلمه دی

افغانستانده طالبان و میانمارده تونترووگه قول اورگن اردو تامانیدن بیرلشگن ملتلر تشکیلاتی اوچون بویوک ایلچی ایتیب کاندید بیریلگنلر تشکیلاتده وظیفه آلیب بارالمه یدی.

بیرلشگن ملتلر تشکیلاتی کینگشی نینگ اعتبارنامه کمیته سی، طالبان نینگ افغانستانده باشقروونی قولگه کیریتیب آلیشی و میانمارده اردونینگ تونتروو آرقه لی باشقروونی قولگه کیریتیب آلیشی نینگ آرتیدن بو اولکه لرنی کیم نینگ وکیل لیک قیلیشی اوچون جلسه اوتکزدی.

خوددی شو اولکه لر بیرلشگن ملتلر تشکیلاتی بویوک ایلچیسی کاندیدلری نینگ آتینی تشکیلاتگه جونتگندن کیین بولر بیرلشگن ملتلر تشکیلاتی کینگشی نینگ اعتبارنامه کمیته سی تامانیدن قبول قیلینشی کیره ک.

بیراق بیرلشگن ملتلر تشکیلاتی اعضاسی 9 اولکه دن تشکیل تاپگن اوشبو کمیته نینگ باشلیغی سویدن نینگ بیرلشگن ملتلر تشکیلاتی دایمی نماینده سی اننا کرین انستروم جلسه نینگ آرتیدن کمیته نینگ افغانستان و میانمارنی بیرلشگن ملتلر تشکیلاتیده کیم نینگ وکالت قیلیشی بوییچه قراری نینگ کیین گه تشله گن لیکلرینی تیلگه آلدی.

کیینگه تشلش قراری نینگ آرتیدن طالبان بیلن میانمار اردوسی نینگ بیرلشگن ملتلر تشکیلاتی گه کاندید بیرگن بویوک ایلچیلر شو وقت تشکیلاتده وظیفه آلیب بارالمه یدی.

طالبان باشقرووی، سوزچیلریدن سهیل شاهین نی بیرلشگن ملتلر تشکیلاتیده بویوک ایلچی ایتیب کاندید بیرگندی.



علاقه لی ینگی لیکلر