متقی امریکا قوشمه ایالتلری کنگره سیگه بیر مکتوب یازیب جونتدی

افغانستانده طالبان اوتیش دوری حکومتی نینگ تشقی ایشلر وزیری اورینباسری امیرخان متقی، امریکا قوشمه ایالتلرینی کتته کوچ بوییچه آگاهلنتیردی.

متقی امریکا قوشمه ایالتلری کنگره سیگه جونتگن مکتوبده افغانستانگه عاید بانک حسابلری نینگ امریکا قوشمه ایالتلری تامانیدن موزله تیب قوییلیشی نینگ هیچ بیر معماگه ییچیم بولمس لیگینی بیلدیردی.

متقی امریکا قوشمه ایالتلری قبول قیلیب آلگن بو قرارنینگ دوحه کیلیشوویگه ضد ایکن لیگینی افاده ایتیب افغانستان خلقی نینگ اولکه ده اوزاق ییللردن بیری دوام ایتیب تورگن اوروش نینگ آرتیدن خوفسیزلیک که ایریشگن لیگینی ایندی خلق نینگ اصل خواطری نینگ " امریکا قوشمه ایالتلری حکومتی نینگ ذخیره لر گه قیلگن چیکلاولر" ایکن لیگینی قید ایتدی.

متقی امریکا قوشمه ایالتلری نینگ افغانستان نینگ حسابلرینی آزاد ایتیشینی خواهله گن لیکلرینی، عکسی تقدیرده افغانستان خلقی و حکومتی نینگ قیینچیلیک که دوچ قاله جگینی تاکییدله دی.

افغانستانده گی وضعیت نینگ بونقه دوام ایتگن تقدیرده منطقه و دنیاگه کوچ دالغه سی نینگ ییره ب باره جگینی تیلگه آلگن متقی بونینگ دنیا اوچون انسانی و اقتصادی بحرانگه سبب بوله جگی گه دقت قره تدی.

متقی مکتوبگه شو شکلده دوام ایتگن:

"افغانستان حسابلری نینگ موزلتیش و اقتصادی چیکلاو، ساغلیک، تعلیم و ایریم عاموی خذمتلریگه سلبی تاثیر تشله گن دیر. بو هم افغانستان خلقی نینگ ضرریگه بولگن دیر" دیب افاده ایتدی.

افغانستانده گی انسانی و اقتصادی بحران گه ییچیم اوچون امریکا قوشمه ایالتلریگه مسؤلیتلی آدیملر آتیشی بوییچه چقیریق قیلگن متقی امریکا قوشمه ایالتلری حکومتیدن افغانستان ذخیره لرینی آچیشینی و بانک حسابلریده گی محدودیتلرنی کوتریب تشلشینی خواهله دی.