آذربایجان اردوسی دن 7 عسکر شهید بولدی

آذربایجان مدافعه وزیرلیگی, ارمنستان چیگره سیده توناون یوز بیرگن توقنه شوولرده آذربایجان اردوسی دن 7 عسکر نینگ شهید بولگن لیگی و 10 عسکر نینگ ایسه یره لنگن لیگی نی معلوم قیلدی.

وزیرلیک تامانیدن بیریلگن بیاناتده, ارمنستان اردوسی نینگ چیگره ده گی تحریک لری نتیجه سیده یوز بیرگن توقنه شوولرده 7 عسکر شهید بولرایکن, 10 عسکر نینگ ایسه یره لنگن لیگی بیلدیریلدی. 

بیاناتده, ارمنستان تحریک لری نینگ موفقیتسیزلیککه دوچ کیلگن لیگی, توناوون کیچکی پیتدن باشلب چیگره ده گی وضعیت نینگ عادی لشگن لیگی معلوم قیلیندی. 

شهید عسکر لرنینگ عایله اعضالری گه تسلیت بیلدیریلگن بیاناتده, یوز بیرگن همه حادثه لرنینگ مسئولی نینگ ارمنستان رهبریتی دن عبارت ایکن لیگی ایسله تیلدی. 

ارمنستان اردوسی چیگره ده بعضی بلند جای لر نی قولگه کیریتیب یخشی موضع لر گه ایگه بولیش مقصدی بیلن توناون لاچین و کلبجر استقامتیده عملیات باشلتگن ایدی.    

آذربایجان اردوسی هم خوددی شوو استقامتده عملیات باشله تیب ارمنستان هجوم لری نینگ آلدی نی آلگن ایدی. 

روسیه نینگ واسطه چیلیگی بیلن توقنه شوولر توخته تیلیب آتشکیسین اعلان ایتیلگن ایدی.