انگلستانده پارتلش یوز بیردی

انگلستان نینگ لیورپول شهریده کسلخانه آلدیده بیر موترده یوز بیرگن پارتلش حادثه سی عاقبتیده بیر کیشی جان بیررایکن, بیر نفر ایسه یره لندی. 

مرزیساید پولیسی, حادثه بیلن علاقه لی بیرگن بیاناتیده, بوگون محلی وقت بیلن ساعت 10:59 ده لیورپول شهریده کسلخانه آلدیده گی بیر موترده پارتلش یوز بیرگن لیگی نی معلوم قیلدی.

بیاناتده, 1 کیشی نینگ اولگن لیگی و یره لنگن بیر کیشی نینگ تداوی سی نینگ ایسه دوام ایتیاتگن لیگی بیلدیریلدی. 

مرزیساید پولیسی سوزچی لری دن بیری اوشبو حادثه نینگ ترورچیلیک هجومی دن عبارت اوله راق اعلان قیلینمه گن لیگی نی بیلدیررایکن, بیراق تیرگاو نینگ تروریزم گه قرشی کوره ش بولیمی مسئول لری تامانیدن آلیب باریله دیگن لیگی نی معلوم قیلدی. 

انگلستان ایچکی ایش لر وزیری پریتی پاتل, تویتر آرقه لی بیرگن بیاناتیده, "پولیسی میز و عاجل سرویس لری میز حادثه نینگ نیمه دن عبارت ایکن لیگی نی انیقلش اوچون فعالیت یوریتماقده" دییه قید ایتدی. 

انفجار نینگ سببی حقیده ایسه حاضرچه رسمی بیر بیانات بیریلمه گن.