نایجریاده قماقخانه دن قاچیب کیتگن محکوملردن یوزلب کیشی قولگه آلیندی

نایجریانینگ اویو ایالتیده بیر قماقخانه گه اویوشتیریلگن قوراللی هجوم نتیجه سیده قاچگن یوزلب محکومدن 446 ته سی نینگ قولگه آلینگن لیگی بیلدیریلدی.

نایجریا ایچکی ایشلر وزیری روف ارگبیسولا مطبوعاتگه بیرگن بیاناتده 22 اوکتوبرده ابولونگو منطقه سیده گی قماقخانه دن قاچگن 838 ته محکومدن 446 ته سی نینگ قولگه آلینگن لیگی بیلدیریلدی.

هجوم جریانیده 69 ته محکوم نینگ قاچیش نی قبول قیلمه ی رد ایتگن لیگینی معلوم قیلگن ارگبیسولا شولرنی ایتدی:

"سونگگی معلوماتگه کوره قاچگنلردن 446 ته سی قولگه آلینگن بیراق 392 ته حلی هم لادرک" دیدی.

ارگبیسولا منطقه اهالیسی گه قاچگن محکوملرگه یاردم ایتمسلیکلری بوییچه چقیریق قیلدی.

قوراللی کیشیلر تامانیدن 22 اوکتوبر کونی کیچه سی اویوشتیریلگن هجومده ایککی نفر قماقخانه ملازیمی حیاتینی یوقاتر ایکن انچه کیشی یره لنگندی.