جوزیپ بورل: افغانستانده اجتماعی – اقتصادی حالت یوق بولیش وضعیتیده

اوشبو مطلب نی اروپا بیرلیگی تشقی علاقه لر و خوفسیزلیک پولیتیکاسی فوق العاده نماینده سی بیلدیردی

1718244
جوزیپ بورل: افغانستانده اجتماعی – اقتصادی حالت یوق بولیش وضعیتیده

اروپا بیرلیگی تشقی علاقه لر و خوفسیزلیک پولیتیکاسی فوق العاده نماینده سی جوزیپ بورل افغانستانده اجتماعی – اقتصادی حالت نینگ "یوق بولیش وضعیتیده" ایکن لیگینی معلوم قیلیب تیزلیک بیلن حرکت گه اوتیش کیره ک لیگینی ایتدی.

اروپا بیرلیگی رواجلنیش وزیرلری، بورل نینگ قتنشیشی بیلن ویدیو کنفرانس آرقه لی افغانستان موضوعی بوییچه غیر رسمی جلسه اوتکزدی.

بورل بو جلسه ده شولرنی ایتدی:

"افغانستانده انسانی و اجتماعی – اقتصادی حالت یوق بولیش وضعیتیده. ناروی قاچقین کینگشی بیلدیریشیچه مناسب یاردم آلالمه گن تقدیرده کیلگوسی قیش آیلریده کمیده 1 میلیون باله آچلیک و ساووقدن اولیش خطری گه دوچ قالگن وضعیتده. قره ب قاله آلمه یمیز تیزده حرکت قیلیشیمیز کیره ک" دیب گپیردی.

وزیرلرنینگ اروپا بیرلیگی نینگ افغانستان اوچون یاردمینی کوپه یتیریشی نینگ عملی آدیملرینی تارتیش گن لیکلرینی افاده ایتگن بورل شونقه دوام ایتدی:

"انه شو، کینگش تامانیدن قبول قیلیب آلینگن بیش ته کریترنینگ قبول قیلینمه یدی دیگن بولمه یدی. عکسینچه بولر اوز اعتبارینی قوریقله ماقده و دواملی رواجلنیش همکارلیگی نینگ دوام ایتیشی اوچون بوتونله ی بجا کیلتیریلیشی کیره ک" دیب گپیردی.

اروپا بیرلیگی یوکسک نماینده سی بوندن آلدین طالبان نینگ حرکتلرینی "ایریم اولکه لرگه تروریست صادر ایتمه یشی، خاتین – قیز و انسان حقلریگه، حقوق نینگ اوستونلیگی و مطبوعات (سوز) ایرکین لیگی گه حرمت قیلیشی، انسانی یاردم نینگ ییتکیزیلیشینی آسانراق قیلیشی، اولکه نی ترک ایتیب چیقناقچی بولگن چیت ایللیکلرنینگ و خطر آستیده گی افغانستانلیکلرنینگ کیتیشی گه رخصت بیریشی، افغانستانده گی سیاسی کوچلر اورته سیده مذاکره لر آرقه لی کینگ و نماینده لری بولمیش بیر اوتیش حکومتی نینگ قوریلیشی" کبی 5 کریتر بیلن بهالندیره جکلرینی بیلدیرگندی.  



علاقه لی ینگی لیکلر