امریکا و طالبان ییتکچیلری قطرده اوچره شوو اوتکزدی

اوشبو موضوع بوییچه امریکا قوشمه ایالتلری تشقی ایشلر وزیرلیگی سوزچیسی بیانات بیردی

1717681
امریکا و طالبان ییتکچیلری قطرده اوچره شوو اوتکزدی

امریکالیک بعضی بیر ییتکچیلرنینگ 9-10 آکتوبر تاریخلریده قطرنینگ پایتختی دوحه ده طالبان وکیللری بیلن افغانستانده گی سونگگی وضعیت بوییچه اوچره شگن لیکلری بیلدیریلدی.

امریکا قوشمه ایالتلری تشقی ایشلر وزیرلیگی سوزچیسی نید پرایس بیرگن یازمه بیاناتده امریکالیک ییتکچیلر بیلن طالبان اورته سیده گی اوچره شوولرنینگ صمیمی بیر فضاده بولیب اوتگن لیگینی ایتدی.

طالبان نینگ اولکه منترولینی قولگه کیریتیب آلیشی نینگ آرتیدن ایلک مرته امریکالیک ییتکچیلر طالبان بیلن اوچره شر ایکن خوددی شو اوچره شووده امریکا قوشمه ایالتلریدن ایریم اداره لر وکیللری نینگ قتنشگن لیگی معلوم قیلیندی.

اوچره شووده افغانستاننی ترک ایتیب چیقماقچی بولگن امریکالیکلر و ایریم اولکه تبعه لری نینگ خوفسیز بیر شکلده چیقیشلری نینگ تامین ایتیلیشی موضوعی بیرینچی اوله راق تیلگه آلینگن. عین دمده خاتین –قیزلرنینگ ییترلی شکلده تمثیل قیلینیشی موضوعی بیلن بیر قطارده اولکه ده گی انسان حقلری مسئله لری هم تیلگه آلینگن و امریکا قوشمه ایالتلری نینگ افغانستان خلقی گه یاردم ایته جگینی تاکییدله گن.

اوچره شوولرده طالبان تامانی طالبان نینگ گپلریدن تشقری عمللریگه قره ب یول نقشه سینی تعیین ایته جگی اورغولنگن.

جاری ییل نینگ 15 آگست تاریخیده طالبان گروهی پایتخت کابل نی اوگیریب آلیب باشقروونی بی ملال  قولگه کیریتیب آلگندی. جمهور باشلیغی اشرف غنی هم خوددی شو کونی اولکه نی ترک ایتیب قاچیب کیتگندی.

ینه جاری ییل نینگ 30 آگست تاریخیده امریکا قوشمه ایالتلری مرکز کوچلر (CENTCOM) قومندانی جنرال کنت مک کنزیئی امریکا قوشمه ایالتلری کوچلری نینگ افغانستاندن چیقیش جریانی نینگ اداغگه ییتیب بارگن لیگینی بیلدیرر ایکن امریکا قوشمه ایالتلری نینگ افغانستان ده گی 20 ییل لیک موجودیتی اداغگه ییتیب بارگندی.



علاقه لی ینگی لیکلر