انگلیس هیئتی طالبان بیلن اوچره شدی

انگلستان باش وزیری بوریس جانسون نینگ افغانستان بوییچه نماینده سی سایمون گاس و انگلستان نینگ دوحه ده گی سارژدافیری مارتین لانگدن, طالبان بیلن اوچره شیش اوچون افغانستان گه سفر قیلدی. 

انگلیس حکومتی سوزچی لری دن بیری, گاس و لانگدن نینگ, طالبان نینگ اوتکینچی حکومتی نینگ تشقی ایش لر وزیرلیگی سرپرستی امیرخان متقی, طالبان نینگ اساسچی لری دن بیری بولگن ملا عبدالغنی برادر و طالبان نینگ اینگ مهم اعضا لری دن بیری بولگن مولوی عبدالسلام حنفی کبی طالبان نینگ یوقاری مرتبه لی مسئول لری بیلن اوچره شگن لیگی نی بیلدیردی. 

سوزچی, اوچره شوو ده, انگلستان نینگ افغانستان گه بشری بحران نینگ آلدینی آلیش اوچون قنده ی یاردم قیلیشی, اولکه نینگ تروریزم نینگ مرکزی گه ایلنمس لیگی نینگ مهم ایکن لیگی و افغانستان دن چیقماقچی بولگن کیشی لرنینگ امنیت بیر شکلده چیقیشی کبی موضوع لر باره سیده بحث ایتیلگن لیگی نی معلوم قیلدی. 

اوچره شوو ده عینی دمده, اقلیت لر گه قرشی رویه بیلن خاتین- قیز لر نینگ حق لری توغریسیده هم سوز یوریتیلگن لیگی بیلدیریلدی.