طالبان بیلن مناسبت لر توغریسیده بیر کنفرانس بولیب اوته دی

آلمان تشقی ایش لر وزیری هایکو ماس, طالبان بیلن قنده ی بیر مناسبت قوریلیشی کیره ک ایکن لیگی توغریسیده, 20 دن آرتیق اولکه نینگ تشقی لر وزیرلری نینگ اشتراکی بیلن بولیب اوته دیگن ویدیو کنفرانس گه میزبان لیک قیله دیگن لیک لری نی بیلدیردی. 

ماس, 20 دن آرتیق اولکه نینگ تشقی ایش لر وزیر لری نینگ اوشبو کنفرانس بیلن علاقه لی دعوت نی قبول قیلگن لیگی نی ایسله تیب اوتدی. 

ماس, "طالبان بیلن علاقه لی قنده ی بیر اورتاق سیاست آلیب باره دیگن لیگی میز نی انیقلشتیرماقچی میز" دییه قید ایتدی.

هایکو ماس, اوشبو کنفرانسده, افغانستانده اساسی انسان حق لری نینگ قورینیشی, بشری یاردم لرنینگ ییتیشتیریلیب بیریلیشی, افغانستان دن چیقماقچی بولگن لر گه سیاحت حقی نینگ بیریلیشی, القاعده و داعش سنگری ترور تشکیلات لری گه قرشی کوره ش کبی موضوع لرنینگ بهالنتیریله دیگن لیگی نی معلوم قیلدی.

ماس, "افغانستان خلقی طالبان نینگ قدرت نی قولگه کیریتیشی بوییچه مسئول ایمس, خلق ارا جامعه نینگ خلق دن یوز اوگیرمس لیگی کیره ک" دییه قید ایتدی. 

افغانستان توغریسیده ینه ده کوپراق همکارلیک نینگ طالبان نینگ رویه سی گه باغلیق ایکن لیگی نی بیلدیرگن ماس, اوز سوز لری نی, "افغانستان ده بشری بحران آرتیب کیته دی" شکلیده دوام ایتتیردی. 

افغانستانده اوچ بُعدلیک بشری بیر بحران نینگ بحث موضوعی ایکن لیگی نی بیلدیرگن ماس, "قورغاقچیلیک سببلی اولکه نینگ کوپلب جای لریده غذایی مواد کمچیلیک لری موجود.  عینی دمده کوپلب کیشی نینگ امیدی بولگن خلق ارا یاردم لر هم توخته تیلگن وضعیتده.  ینگی حکومت نینگ دولت ایش لری نی آلیب باره آلمس لیگی تقدیرده, سیاسی بحران آرتیدن انسان لر اوچون بوندن هم یمان نتیجه لر گه سبب بوله دیگن اقتصادی بحران نینگ باشلب کیتیشی خطری موجود.  اوتگن هفته ده مین سفر قیلگن قوشنی اولکه لر هم اوشبو توغریده خواطرده" دییه قید ایتدی.