اوروپا بیرلیگی طالبان نی تن آلمه یدیگن لیگی نی بیلدیردی

اوروپا بیرلیگی نینگ خوفسیزلیک و تشقی سیاست بوییچه عالی نماینده سی جوزپ بورل, طالبان نی تن آلمه یدیگن لیک لری, لیکن بعضی معیار لر دایره سیده اولر بیلن ارتباط قوره دیگن لیک لری نی بیلدیردی.

بورل, اوروپا بیرلیگی نینگ رسمی بولمه گن تشقی ایش لر وزیرلری ییغیلیشیده بیرگن بیاناتیده, وزیر لر نینگ افغانستان خلقی نینگ قوللب- قُوَتله نیشی بوییچه همفکر ایکن لیک لری نی معلوم قیلدی. 

بورل, "افغانستان نفوسی نینگ قوللب- قوتله نیشی اوچون افغانستان ده گی ینگی حکومت بیلن کیلیشیب آلیشی میز کیره ک.  بو تن آلیش معنی سی گه کیلمه یدی, ایش اوچون بیر مناسبت دن عبارت.  حکومت نینگ رویه سی گه کوره سیاستی میز دوام ایته دی" دییه قید ایتدی. 

بورل, شرط لری نینگ, طالبان نینگ باشقه اولکه لرگه ترورچی یوبارمس لیگی, انسان حق لری, حقوق نینگ اوستین لیگی و میدیا ایرکین لیگی گه حرمت کورسه تیشی, بشری یاردم لرنینگ ییتیشتیریلیب بیریلیشی بوییچه همکارلیک قیلیشی, افغانستان دن چیقماقچی بولگن چیت ایللیک لر و ریسک آستیده گی افغانستان لیک لرنینگ کیتیشی گه اجازت بیریشی و افغانستان ده گی سیاسی کوچ لر آره سیده مذاکره لر آرقه لی کینگ کولملی بیر اوتکینچی حکومت نینگ قوریلیشی دن عبارت ایکن لیگی نی بیلدیردی.

بورل, "طالبان نینگ رویه سی نی بیش معیار گه کوره بهالنتیره میز. بعضی کیشی لر 'لیکن طالبان بولرنی بجا کیترمه یدی' دییدی.  کوره یلیک چی. بیزنینگ مناسبت قوریشی میز بو شرط لرنینگ بجا کیتیریلیشی گه باغلیق بوله دی" دییه قید ایتدی. 

بورل, وزیر لرنینگ اوروپا بیرلیگی نینگ افغانستان نینگ قوشنی لری بیلن منطقه مقیاسیده سیاسی همکارلیک قوریش گه قرار قیلگن لیک لری نی معلوم قیلدی. 

بورل, اوشبو همکارلیک دایره سیده افغانستان دن انسان لر نینگ چیقیشی نینگ باشقریلیشی, تروریزم نینگ آلدینی نینگ آلینیشی, مخدره مواد و انسان چاقاقچیلیگی داخل جرم لر گه قرشی کوره ش موضوع لری توغریسیده بحث ایتیله دیگن لیگی نی بیلدیردی.