بیرلشگن ملتلر تشکیلاتی افغانستان گه بشری یاردم کنفرانسی ترتیب له یدی
اوشبو کنفرانس نینگ ژنو شهریده بولیب اوتیشی کوتیلماقده
بیرلشگن ملت لر تشکیلاتی, 13- سپتامبر کونیده سویس نینگ ژنو شهریده افغانستان گه بشری یاردم کنفرانسی ترتیب له یدی.
بیرلشگن ملتلر تشکیلاتی عمومی منشی سی نینگ سوزچیسی استفان دوجاریک, افغانستانده حیاتی اهمیت گه ایگه بشری یاردم لرنینگ دوام ایتیشی اوچون کیره کلی مادی امکانیت نینگ تامین ایتیلیشی بوییچه ژنو ده یوقاری مرتبه لی کیشی لرنینگ اشتراکی بیلن بیر کنفرانس بولیب اوته دیگن لیگی نی بیلدیردی.
دوجاریک, بیرلشگن ملتلر تشکیلاتی عمومی منشی سی آنتونیو گوترش نینگ اوشبو کنفرانس گه اشتراک ایتیش اوچون ژنو گه سفر قیله دیگن لیگی نی بیلدیردی.
بیرلشگن ملتلر تشکیلاتی, افغانستانده بشری یاردم لرنینگ دوام ایتیشی اوچون 1,3 میلیارد دالرلیک مادی امکانیت گه ضرورت ایکن لیگی نی بیلدیررایکن, حاضرچه اوشبو مقدارنینگ فقط گینه 39 فایزلیک بولیمی نینگ تامین ایتیلگن لیگی نی معلوم قیلدی.
افغانستانده 38 میلیون کیشی نینگ بشری یاردم گه محتاج ایکن لیگی بیلدیریلماقده.
علاقه لی ینگی لیکلر
اسرائیل اردوسی تامانیدن لبنان نینگ جنوبیده اویوشتیریلگن هجوم عاقبتیده اونلب کیشی حیاتینی یوقاتدی
اویوشتیریلگن اوشبو هجوملرده کوپلب تینچ اهالی نینگ اولگن لیگی بیلدیریلدی