پوتین: امریکا قوشمه ایالتلری نینگ افغانستاندن چیقیشی بیلن اولکه ده انسانی فلاکت یوز بیردی

روسیه دولت باشلیغی ویلادیمیر پوتین امریکا قوشمه ایالتلری نینگ افغانستاندن چیقیشی نینگ آرتیدن اولکه ده انسانی فلاکت یوز بیرگن لیگینی ایتدی.

پوتین روسیه نینگ ویلادیفوستوک شهریده اویوشتیریلگن شرقی اقتصادی یغینیده افغانستانده گی سونگگی وضعیت نی بهالندیردی.

امریکا قوشمه ایالتلری و ایریم غربی کوچلرنینگ افغانستاندن چیقیشی نینگ آرتیدن کیره کلی درسلرنینگ آلینیشی کیره ک لیگینی افاده ایتگن پوتین شولرنی ایتدی:

"افغانستان گه کیرگن لیکلرینی و انچه خطا قیلگن لیکلرینی ایته دیلر. حلی هم خوددی شو خطالرنی ایریم اولکه لرده عملی قیلماقده لر. چیکلاولر نیمه؟ بیر اولکه نینگ اوز قاعده لرینی ایریم بیر اولکه گه تحمیل قیلیش اورونیشی دیر و بو دنیانینگ تورلی اولکه لریگه قره ته آلیب باریلماقده دیر. اگر خطالریدن حقیقتاً مهم درسلر آلسه لر او پیتده دنیا سیاستیده اوزگریشلر کوریشیمیز ممکن" دیب گپیردی.

امریکا قوشمه ایالتلری نینگ افغانستانده 1،5 تریلیون دالردن آرتیق پول خرجت قیلگن لیگی گه دقت قره تگن پوتین شونقه دوام ایتدی:

"امریکالیکلر جده ایش یره تووچی انسانلر بیراق بو قدر خرجت نینگ آرتیدن نتیجه نیمه بولدی؟ افغانستانده امریکا قوشمه ایالتلری و متفقلریگه ایشله گن و ترک ایتیب تشلنگن انسانلر سانی گه قره گنده بو بیر انسانی فلاکت دیر" دیدی.

دموکراسی نینگ اولکه لرگه زوروانلیک بیلن تحمیل قیلیش نینگ قبول قیلیش ممکن ایمس ایکن لیگینی معلوم قیلگن پوتین شولرنی ایتدی:

"بعضی بیرته لرنینگ دموکراسی گه ضرورتی بولسه خلق بونقه اوزی قرار بیره دی، خشونت گه باش اوروش گه کیره ک یوق" دیب افاده ایتدی.

پوتین روسیه نینگ افغانستان نینگ بولینیشی طرفداری ایمس ایکن لیگی گه اشاره قیلیب شولرنی بیان ایتدی:

"افغانستان بولینگنده کیم بیلن مخاطب بوله میز؟ روسیه نینگ طالبان نینگ افغانستان نی بوتونله ی کنترول آستیگه آلگن لیگی حقیقتی یوزه سیدن حرکت قیلیشی کیره ک. طالبان مدنی همجمعیت گه قنچه تیزراق کیریب قالسه او بیلن علاقه قوریش، تاثیر قالدیرماق، بعضی بیر سواللر قیلیش و مدنی همجمعیت نینگ قاعده لرینی ایتیش او قدر آسان بوله دی. طالبان حکومتی نینگ رسمی روشده تن آلینیشی اوچون بیاناتلردن تشقری آتیلگن ادیملرنینگ بهالندیریلیشی کیره ک" دیب گپیردی.