پوتین افغانستان توغریسیده گپیردی

روسیه جمهوررئیسی ولادیمیر پوتین, امریکا قوشمه ایالتلری نینگ 20 ییل دوامیده افغانستانده اوز قاعده لری و حیات طرزی نی تطبیق ایتیش گه انتیلگن لیگی اوچون حاضرگی کونده تراژدی و موفقیتسیزلیک نینگ مطرح بولگن لیگی نی بیلدیردی. 

امریکا حربی لری نینگ 20 ییل افغانستان توپراق لریده قالگن لیگی نی بیلدیرگن پوتین, امریکا نینگ اوشبو مدت دوامیده افغانستانده یشیاتگن کیشی لرنی "مدنی لشتیریش گه" حرکت قیلگن لیگی نی معلوم قیلدی.

پوتین, "اصلی گه قره گنده امریکا افغانستانده کینگ کولملی اوله راق اوز قانون- قاعده لری ,حیات طرزی و سیاستی نی معقوللشتیریش نی خواهله دی.  بونده ی قیلگن لر, امریکا قوشمه ایالتلری و افغانستان یشاوچی لری اوچون, نتیجه تراژدی و موفقیتسیزلیکدن باشقه بیر نرسه بولمه دی. نتیجه صفر" دییه قید ایتدی. 

پوتین, افغانستان یشاوچی لری نینگ تاریخی, فرهنگی و حیات فلسفه سی گه اهمیت بیریلمه گن لیگی و عنعنه لری گه حرمت کورسه تیلمه گن لیگی اوچون بو تراژدی نینگ بحث موضوعی بولگن لیگی نی ایسله تیب اوتدی.

پوتین, "تشقری دن بیر نرسه نی تحمیل قیلیش نینگ امکانسیز ایکن لیگی نی درک ایتیش کیره ک.  وضعیت نینگ یخشی بولیشی کیره ک.  وضعیت نینگ تیز و اویغون بیر شکلده یخشی له شیشی نی خواهله شینگیز تقدیرده, انسان لرگه یاردم ایتیش کیره ک.  هه, بونی قیلیش ممکن و قیلینیشی شرط.  لیکن بونینگ, مدنی بیر شکلده, احتیاطلی, ایجابی تمایل نی دوام ایتتیریب, شاشمسدن و صبر بیلن قیلینیشی کیره ک.  بو فکتور لرنینگ بولمس لیگی تقدیرده ایجابی بیر نرسه قولگه کیریتیش تقریباً امکانسیز" دییه قید ایتدی.