انگلستان نینگ نماینده سی طالبان بیلن اوچره شدی

انگلستان, انگلیس وطنداش لری نینگ افغانستان دن امنیت بیر شکلده چیقیشی اوچون طالبان بیلن مذاکره قیلینگن لیگی نی بیلدیردی. 

باش وزیرلیک تامانیدن بیریلگن بیاناتده, باش وزیر بوریس جانسون نینگ افغانستان بوییچه خاص نماینده سی سایمون گاس نینگ دوحه گه باریب طالبان مسئول لری بیلن اوچره شگن لیگی بیلدیریلدی. 

گاس نینگ اوشبو اوچره شووده, انگلیس وطنداش لری بیلن انگلستان اوچون ایشله گن افغانستانلیک لرنینگ امنیت بیر شکلده افغانستاندن چیقیشی نینگ اهمیتی گه دقت قره تگن لیگی معلوم قیلیندی. 

پایتخت کابل نی اوره ب آلگن طالبان 15- آگست کونی اشرف غنی نینگ اولکه نی ترک ایتیشی آرتیدن شهر نی اوروشمسدن قولگه کیریتدی و غربی اولکه لر اوز وطنداش لری نی افغانستان دن چیقاره باشله دی. 

بیراق 170 کیشی نینگ حیاتی نی یوقاتگن ترورچیلیک هجومی آرتیدن تخلیه پروسه سی تکمیل بولمه دی و کوپلب غربی اولکه وطنداش لری یاکه اولر بیلن ایشله گن افغانستان لیک لر تشقری گه چیقه آلمه دی. 

امریکا قوشمه ایالتلری ایسه 30- آگست کونی تخلیه پروسه سی نی تکمیل قیلدی.