پوتین بیلن خان افغانستان موضوعی بوییچه سوزلشدی

روسیه دولت باشلیغی ویلادیمیر پوتین بیلن پاکستان باش وزیری عمران خان افغانستانده گی وضعیت بوییچه سوزلشدی.

روسیه دولت رئیسلیگی کرملین سراییدن بیریلگن بیاناتده پوتین بیلن خان نینگ تیلفون آرقه لی سوزلشگن لیگی بیلدیریلدی.

افغانستانده گی وضعیت تیلگه آلینگن سوزلشووده "بو اولکه ده تینچلیک و خوفسیزلیک نینگ قوللب – قوتلش، خشونت گه توسیق بولیش برچه همجمعیت نینگ گروپلری نینگ منفعتلرینی کوزگه توته دیگن حکومت نینگ ایجاد ایتیلیشی مقصدی بیلن افغانستانلیکلر اورته سیده دیالوگ نینگ تامین ایتیلیشی" کیره ک لیگی نینگ اهمیتی تاکییدلنگن لیگی اورغولندی.

افغانستان موضوعی بوییچه یانداشوولرنینگ هم اوز ارا همده کوپ تامانلیک شکلده ریجه لنیشی توغریسیده کیلیشیب آلینگن لیگی، شنگای همکارلیک گروهی نینگ "منطقوی خوفسیزلیک نینگ تامین ایتیلیشی و تروریزم بیلن مخدره مواد تهدیدی گه قره ته قوره ش" توغریسیده امکانیتلردن ایش آلینیشی کیره ک لیگی افاده ایتیلدی.

اوچره شووده روسیه بیلن پاکستان اورته سیده گی مناسبت نینگ هم تیلگه آلینگن لیگی قید ایتیلدی.