آلمان افغانستاندن تخلیه قیلیش فعالیتلرینی جاری هفته نینگ سونگگیده اداغگه ییتکزیشی ممکن

آلمان نینگ افغانستان نینگ پایتختی کابل ده گی اوز وطنداشلری و محلی پرسونللری نینگ تخلیه قیلیش فعالیتلری نینگ جاری هفته نینگ سونگگیده اداغگه ییتکیزه جگی ادعا ایتیلدی.

آلمان میدیاسیده اورین آلگن خبرلرگه کوره تشقی ایشلر وزیرلیگی بیلن مدافعه وزیرلیگی تامانیدن مشترک آلیب باریلگن تخلیه قیلیش فعالیتلری شنبه کونی ویا یکشنبه کونی ادغگه ییتیب باره دی.

خبرده بونینگ سببی نبنگ امریکا قوشمه ایالتلری نینگ 31 آگستدن آلدین اوز حربیلری و تجهیزاتلرینی آلیب کیتیشی نینگ ارتیدن یوز بیره دیگن خوفسیزلیک تهدیدی اوله راق کورستیلماقده.  

مدافعه وزیرلیگی سوزچیسی نینگ هم بو خبرلرنی رد ایتیشدن قول تارتگن لیگی بیلدیریلدی.

آلمان قوراللی کوچلری چوکاتیده اورین الگن افغانستانلیک محلی پرسونل اوچون یاردم ترماغی باشلیغی مارکوس گروتیئان توناون کونی بیرگن بیاناتده آلمان حکومتینی "محلی پرسونل نی قصداً افغانستانده تشلب قوییش و یاردم ایتمسلیک" بیلن عیبله گندی و "حکومتده گی حزبلرنی و سیاستچیلرنی (افغانستانلیک محلی پرسونل بیلن تیگیشلی) آگاهلنتیروولرنی یوق دیب کوریشلری، ییچیم امکانیتلریگه بها بیرمسلیکلری و مسؤلیت نی ایریملرنینگ اوستیگه آتیشلرینی تعجب بیلن کوتیب آله میز" دیب افاده ایتگندی.