آلمان تشقی ایشلر وزیری: قوشنی اولکه لرگه ییتیب بارگن افغانستانلیکلرگه ویزه بیریش آسان بوله دی

آلمان افغانستانده کابل قونلغه سی نینگ ملکی هواچیلیک فعالیتی بیلن عسکری تخلیه فعالیتلری گه دوام ایتیش اوچون تورکیه و امریکا قوشمه ایالتلری بیلن سوزلشگن لیکلرینی بیلدیردی.

آلمان تشقی ایشلر وزیری هیکو ماس پایتخت برلینده بیرگن بیاناتیده کابل قونلغه سی نینگ امریکا قوشمه ایالتلری نینگ چیقیش تاریخی بولمیش 31 آگستدن کیین هم فعالیتلریگه دوام ایتیشی نینگ اهمیتینی تیلگه آلدی.

"امریکا قوشمه ایالتلری، تورکیه و ایریم اولکه لر بیلن کابل قونلغه سی نینگ فعالیتلریگه دوام ایتیشی توغریسیده سوزلشیب تورگن میز. بو موضوع عیندمده امریکا قوشمه ایالتلری کوچلری نینگ چیقیشی قاله ویرسه طالبان بیلن هم اوچره شیش کیره ک" دیدی.

پاکستان، هندوستان، تاجکستان و اوزبیکستان تشقی ایشلر وزیرلری بیلن سوزلشگن لیگینی ایتگن ماس؛

"بو اولکه لرگه اوتیب بارالگن محلی پرسونللرگه آسانراق ویزه بیره میز. لیستده اورین آلگن برچه محلی پرسونللر و ایریم خطرده بولگن کیشیلر اوچون اقامت حقی شرطلرینی تامین ایته میز" دیب افاده ایتدی.

ماس اسلام آباد، ینگی دهلی، تاشکینتده گی ویزه بولیملری نینگ ظرفیتلرینی کوچه یتیره جکلرینی معلوم قیلدی.