امریکا قوشمه ایالتلری: کابل هوا قونلغه سی تشقریسی گه چیقیش امکانیتی گه ایگه ایمس میز

امریکا قوشمه ایالتلری تشقی ایش لر وزیرلیگی سوزچیسی ند پرایس, افغانستان پایتختی کابل دن انسان لرنینگ چیقاریلیشی اوچون هوا قونلغه سی تشقری سی گه چیقیش امکانیتی گه ایگه ایمس لیک لری نی بیلدیردی. 

پرایس, حامد کرزی خلق ارا هوا قونلغه سیدن حاضرگه چه 7 مینگ کیشی نینگ چیقاریلگن لیگی نی معلوم قیلدی. 

حاضر هوا قونلغه سیده مراحلی تکمیل بولگن 6 مینگ کیشی نینگ موجود ایکن لیگی نی معلوم قیلگن پرایس, بو کیشی لرنینگ هم قیسقه بیر مدت مابینیده اوچاق لر گه مینیب منطقه نی ترک ایته دیگن لیک لری نی بیلدیردی. 

سوزچی, انسان لرنینگ چیقاریلیشی بوییچه پروسه نی تیزلشتیریش اوچون کابل گه ینه ده کوپراق قونسلگرلیک پرسونلی یوبارگن لیک لری نی بیلدیررایکن, بعضی قونسلگرلیک پرسونلی نینگ ایسه ترانزیت ایش لر اوچون قطر و کویت گه یوباریلگن لیگی نی معلوم قیلدی. 

منطقه دن چیقیش اوچون هوا قونلغه سی گه باره آلمه گن کیشی لر بیلن علاقه لی ایسه, "هوا قونلغه سی تشقری سی گه چیقیش امکانیتی گه ایگه ایمس میز" دییه قید ایتدی. 

یکشنبه کونی, کابل نینگ تیگره گی نی اوره ب آلگن طالبان, اشرف غنی نینگ اولکه نی ترک ایتیشی و حکومت کوچ لری نینگ پایتخت دن چیقیشی آرتیدن, اوروشمسدن شهر نینگ کنترولی نی قولگه کیریتدی.