امریکا کابل ایلچیخانه سیده گی پرسونللرینی آلیب چیقره دی
موضوع بوییچه امریکا مدافعه وزیرلیگی سوزچیسی بیانات بیردی
امریکا قوشمه ایالتلری مدافعه وزیرلیگی (پینتاگون) سوزچیسی جان کربی کابل بویوک ایلچی خانه سیده گی امریکالیک پرسونل نینگ تخلیه قیلیش اوچون 3 مینگ نفر حربی نینگ افغانستانگه جونته جگینی و بو حربیلرنینگ فقط تخلیه وظیفه سینی بجره جگینی بیلدیردی.
کربی مطبوعاتی کنفرانسده امریکا قوشمه ایالتلری کابل بویوک ایلچی خانه سیده گی پرسونل نینگ تخلیه قیلینیشی بوییچه بیانات بیردی.
کربی دولت باشلیغی جو بایدن نینگ بویروغی گه بناً تشقی ایشلر وزیرلیگی بیلن هم علاقه ده بولیب اوشبو تخلیه پلانی ریجه لنگن لیگینی و مقصدلری نینگ ایلچیلیک پرسونلی نینگ خوفسیز بیر شکلده حامد کرزی قونلغه سیدن امریکا قوشمه ایالتلریگه ییتیشتیریلیشی ایکن لیگینی افاده ایتدی.
کربی کابلده شو وقت 650 اطرافیده امریکا قوشمه ایالتلری نینگ حربیسی موجود ایکن لیگینی خوددی شو 3 مینگ قوشیمچه حربی نینگ بوتونله ی تخلیه مقصدی بیلن بارگن لیگینی اورغوله دی.
مذکور حربیلرنینگ امریکا قوشمه ایالتلری مرکز کوچلر قومندانلیگی (CENTCOM) منطقه سیده وظیفه ده ایکن لیکلرینی و بولرنینگ 24-48 ساعت ایچیده حامد کرزی قونلغه سیده بوله جگینی معلوم قیلگن کربی اوشبو وظیفه نینگ اصلاً بیر توقنه شوو وظیفه سی ایمس ایکن لیگینی افاده ایتدی.
کربی قونلغه ده تورک عسکرلری قاله ویرسه امریکا قوشمه ایالتلری حربیلری نینگ هم وظیفه آلیب باراتگن لیگینی و تخلیه ایشلری نینگ خوفسیز بیر شکلده آلیب باریلیشی اوچون برچه چاره – تدبیرنی اله جکلرینی ایتدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی