آلمان حربیلری افغانستان نی بوتونله ی ترک ایتیب چیقدی

آلمان مدافعه وزیری آنگرت کرامپ-کارنباوئر افغانستانده گی سونگگی آلمان عسکرلری نینگ اولکه نی ترک ایتیب چیققن لیگینی بیلدیردی.

کرامپ-کارنباوئر تویتر آرقه لی بیرگن معلوماتده توناون آقشم آلمان عسکرلری نینگ هم افغانستاندن خوفسیز بیر شکلده چیققن لیگینی معلوم قیلدی.

"20 ییل کیین اینگ قتّیق چیت ایل وظیفه میز اداغگه ییتیب باردی" دیدی.

آلمان اردوسیدن بیریلگن بیاناتده آلمان عسکرلری نینگ افغانستانده گی ناتو وظیفه سی نینگ اداغگه ییتیب بارگن لیگی تاکییدلندی.

آلمان عسکرلری خلق ارا خوفسیزلیک همکارلیک کوچی (آیساف) و آرتیدن عملی قیلینگن قرارلی همکارلیک وظیفه سی دایره سیده 2001 – ییلدن بویان افغانستانده وظیفه آلیب بارماقده ایدی.

خوددی شو وظیفه جریانیده 59 نفر آلمان حربیسی جان بیرگن.

شونده ی بولیب 1100 نفر آلمان حربیسی قرارلی همکارلیک وظیفه سی دایره سیده افغانستانده وظیفه اجرا ایتماقده ایدی.

امریکا قوشمه ایالتلری باشقرووی ناتو وظیفه سی دایره سیده 20 ییلدن بویان جایلشگن افغانستاندن 1 میدن باشلب چیقیش گه باشلشدن خبر بیررکن خوددی شو چیقیش جریانی نینگ 2001 ییلی 11 سپتامبر هجوملری نینگ 20- ییل لیگی گچه اداغگه ییتیب باره جگینی بیلدیرگندی.