ایرسین تاتار آنتونیو گوترش بیلن اوچره شدی

شمالی قبرس تورک جمهوریتی جمهوررئیسی ایرسین تاتار, بیرلشگن ملتلر تشکیلاتی عمومی منشی سی آنتونیو گوترش بیلن اوچره شدی. 

خوددی شوو اوچره شوو بیرلشگن ملت لر تشکیلاتی نینگ بروکسل دفتری ده بولیب اوتدی.

افغانستان وقتی بیلن بوگون ساعت 14:00 ده باشله گن اوچره شوو تقریباً یریم ساعت دوام ایتدی.

باشقه بیر تاماندن ایسه گوترش, شمالی قبرس تورک جمهوریتی جمهوررئیسی ایرسین تاتار دن آلدین اوروپا بیرلیگی رهبر لر ییغیلیشی اوچون بروکسل گه کیلگن روم رهبریتی باشلیغی نیکوس اناستاسیادیس بیلن هم اوچره شگن ایدی. 

جمهوررئیس تاتار, گوترش نینگ اوچره شیش طلبی گه بناً توناون ایرته لب بروکسل گه تشریف بویورگن ایدی.