میانمارده جان بیرگن عادی اهالی سانی 880 گه ییتدی

میانمارده گی حربی کودتا آرتیدن اردو نینگ کودتا مخالف لری گه قوراللی مداخله سی نتیجه سیده حیاتینی یوقاتگن عادی اهالی سانی 880 گه ییتدی.

میانمار سیاسی محکوم لرگه یاردم موسسه سی نینگ راپوری گه کوره, سونگگی 24 ساعتده ینه 3 نفر ملکی نینگ جان بیرگن لیگی بیلدیریلدی. 

توپلم 880 نفر عادی اهالی نینگ جان بیرگن لیگی بیلدیریلرایکن, 5 مینگ 104 کیشی نینگ ایسه قولگه آلینگن لیگی معلوم قیلیندی. 

عینی دمده 1965 کیشی نینگ اوشله نیشی گه قرار قیلینگن. 

بوندن تشقری ساگاینگ منطقه سیده کودتا مخالف لری تامانیدن قوریلگن خلق مدافعه کوچی بیلن میانمار اردوسی اورته سیده 22 – جون دن بیری یوز بیرگن توقنه شوو لر ده اردو دن کمیده 20 عسکر نینگ اولدیریلگن لیگی ادعا ایتیلدی.

اسمی نینگ ذکره ایتیلمس لیگی نی طلب قیلگن خلق مدافعه کوچی اعضا لری دن بیری, منطقه گه باغلیق ایککی تومن ده میانمار اردوسی نینگ 3 کونده آغیر قورال لر بیلن عادی اهالی گه هجوم اویوشتیرگن لیگی نی معلوم قیلدی.

میانمار اردوسی ایسه توقنه شوو لر یاکه تلفات حقیده بیانات بیرمه دی.   

بیرلشگن ملتلر تشکیلاتی, میانمارده, اردو بیلن کودتا مخالف لری اورته سیده یوز بیرگن توقنه شوو لر نتیجه سیده 230 نفر عادی اهالی نینگ اوز اوی لری نی ترک ایتگن لیک لری نی بیلدیردی.