نایجریاده اونلب اوقیووچی آلیب قاچیریلدی

نایجریانینگ کبی ایالتیده بیر قیز مکتبی گه اویوشتیریلگن قوراللی هجوم عاقبتیده بیر پولیس اولدیریلدی 80 دن آرتیق اوقیووچی بیلن 5 اوقیتووچی آلیب قاچیریلدی.

موترسایکل آرقه لی کیلگن قوراللی کیشیلرنینگ بیر مکتب گه باسقین قیلیب بیر اوقیووچینی یره له گن لیگی بیلدیریلدی.

آلیب قاچیریلگن باله لرنینگ عایله لری و خوفسیزلیک کوچلری مکتب نینگ یقینیده جایلشگن اورمانده قیدیروو – قوتقرو فعالیتی گه باشله گن لیگی معلوم قیلیندی.

اولکه ده سونگگی پیتلرده قوراللی کیشیلر موتر سایکل آرقه لی کیلیب هجوملر اویوشتیریشی باعث بعضی بیر ایالتلرده موترسایکل منع قیلیب قوییلگن وضعیتده.

اولکه ده 30 می کونی هم قوراللی کیشیلر نیگر ایالتیده جایلشگن بیر مدرسه گه هجوم اویوشتیریب 136 ته اوقیووچینی آلیب قاچیرگندی.