برلین ده اونلب پولیس یره لندی

آلمان پایتختی برلین ده نمایشچی لر بیلن پولیس اورته سیده یوز بیرگن حادثه لرده 60 نفر پولیس یره لندی. 

افراطی چپگرا گروپ لر اوزاق مدت دن بیری اشغال قیلگن فریدریشزهاین سمتیده گی بنا گه پولیس نینگ کیریشی نی توسماقچی بولدی. 

ایککی یوز کیشی لیک گروپ, بنا نینگ موجود بولگن کوچه نی پاپیپ قویدی و کوچه ده موتر تایر لری نی یاقدی. 

پولیس بیلن اشغالچی لر اورته سیده توقنه شوو یوز بیردی. 

نمایشچی لر پولیس گه تاش و بوتل آتدی. اوشبو حادثه عاقبتیده 60 پولیس یره لندی. 

اکتوبر آییده هم افراطی چپگرا لرنینگ اشغال قیلگن و معلوم بیر مدت ترک قیلمه گن خوددی شوو بنا, پولیس نینگ مداخله سی بیلن تخلیه قیلینگن ایدی. 

مالک بیلن اشغالچی لر اورته سیده حقوقی پروسه ایسه اوزاق بیر مدت دن بیری دوام ایتماقده.