میانمارده تلفات سانی کوپه یدی و تانکرلر اوتگه بیریلدی

میانمارده گی مظاهره لرده, خوفسیزلیک کوچلری نینگ قوراللی اره له شووی نتیجه سیده اولگن لر سانی 805 نفردن آشیب کیتدی. 

سیاسی محکوم لر گه یاردم موسسه سی نینگ کونده لیک راپوریده, میانمارده سونگگی 24 ساعتده ینه 3 کیشی نینگ جان بیرگن لیگی بیلدیریلدی. 

مظاهره لرنینگ باشله گن کوندن بیری اولگن لر سانی نینگ 805 گه ییتگن لیگی بیلدیریلرایکن, 4 مینگ 146 کیشی نینگ قولگه آلینگن لیگی معلوم قیلیندی. 

722 کیشی نینگ ایسه قولگه آلینیشی گه قرار قیلینگن لیگی بیلدیریلدی.   

شونده ی بولیب میانمارنینگ چین چیگره سیده جایلشگن شان ایالتیده تونترووگه قرشی قوراللی اتنیک گروپلردن کچین مستقللیک اردوسی میانمار اردوسی گه نفت ییتکیزیب بیره دیگن تانکرلرنی توخته تیب اوتگه بیردی.

دی ایرادی گزیته سیگه بیانات بیرگن تونترووگه قرشی قوراللی اتنیک گروپلردن کچین مستقللیک اردوسی ییتکچیلریدن ناو بو، اوشبو تانکرلرنینگ ایالتده گی بیر اردو قرارگاهی گه کیتیش معلوماتینی قولگه کیریتگن لیکلرینی و بو هجوم نی اویوشتیرگن لیکلرینی بیلدیردی.

بو 5 ته تانکرنی اوتگه بیرگن لیکلرینی معلوم قیلیب هیداوچیلرگه زیان ییتمه گن لیگینی اورغوله دی.

میانمار اردوسی 2020 ییلی 8 نوامبرده سیلاولرده فسادگه قول اوریلگن لیگینی ادعا ایتیب 1 فبروریده باشقروونی قولگه کیریتگندی.

اردو اولکه نینگ حاضرگی رهبری و تشقی ایشلر وزیری آئونگ سان سوو چی قاله ویرسه انچه مسؤل و اقتدار حزبی ییتکچیسینی قولگه آلیب بیر ییل لیک فوق العاده وضعیت ایتیب اعلان قیلگندی.

اولکه ده قوزغالانچیلرن دوام ایترکن قولگه آلینگن یوقاری سویه لی حکومت ییتکچیلری نینگ عسکری محکمه ده گی سودلری دوام ایتماقده.