تاتارستانده بیر مکتبده اویوشتیریلگن هجوم عاقبتیده اونلب کیشی اولیب یره لندی

تاتارستان جمهوریتی نینگ پایتختی قزانده بیر مکتبده اویوشتیریلگن قوراللی هجوم عاقبتیده 9 کیشی اولدی، کمیده 10 کیشی یره لندی.

محلی مسؤللر تامانیدن بیریلگن دستلبکی معلوماتده بیلدیریلیشیچه کیم لیگی نامعلوم ایککی کیشی فیضی جاده سیده جایلشگن 175 نمبر مکتبده قوراللی هجوم گه قول اورگن. هجومچیلرنی کورگن و قورال سیسینی ایشیتگن اوقیووچیلر قورقیب قاچیشگنلر. بیرقطار اوقیووچی ایسه پنجره لردن اوزینی تشلب یوبارگن.

حادثه نینگ جایی گه خوفسیزلیک کوچلری نینگ کیلگن لیگینی بیلدیرگن مسؤللر هجومچیلردن بیرته سی نینگ 17 یشر ایکن لیگینی و خوفسیزلیک کوچلری تامانیدن قولگه آلینگن لیگینی معلوم قیلدی.

دستلبکی معلوماتگه کوره بو هجوم عاقبتیده 1 ته اوقیتووچی بیلن بیر قطارده 8 ته اوقیووچی حیاتینی یوقاتگن. خوددی شو هجومده کمیده 10 کیشی یره لنگن.