دنیا بوییچه تنیقلی فوتبالچیلر فلسطین نی قوللب – قوتله ماقده

پاول پوگبا، ریاض ماهریز، اشرف حکیمی، محمود تریزیگی، موسی مریگا، فرانک ریبری، شکودران مصطفی بیلن بیر قطارده انچه فوتبالچی اسرائیل نینگ مسجد اقصی ده گی فلسطین لیکلرگه قره ته آلیب بارگن هجومینی قاره له دی.

اجتماعی ترماق آرقه لی نشر قیلگن پیاملر بیلن اسرائیل هجوملرینی قاره له گن فوتبالچیلر، "ایرکین فلسطین"، "شیخ جراحی قوریقله" کبی شعارلر بیلن پیام ترقه تدیلر.

انگلستان پریمیر لیگ فوتبال جماعه لریدن منچستر یونایتدده اوینه گن فرانسه لیک فوتبالچی پاول پوگبه، انستگرام آدرسی آرقه لی نشر قیلگن پیامیده "دنیانینگ تینچلیک و سیوگی گه ضرورتی بار. برچه میز بیر بیریمیزنی سیوه یلیک" دیب ایتدی.

استون ویلاده اوینه گن مصرلیک فوتبالچی محمد تریزیگی انستگرام آرقه لی نشر قیلگن پیامیده "الله یم سین فلسطین و فلسطینلیکلرنی قوریقله" دیب عکس العمل کورستدی.

ریاض مهریز، اشرف حکیمی، موسی ماریگا، فرانک ریبیری، شکودران مصطفی بیلن بیر قطارده انچه فوتبالچی فلسطین اوچون اجتماعی ترماق آرقه لی باشله تیلگن حرکتلرگه قوشیلیب عکس العمل کورستدیلر.