میانمارده اولیم سانی کوپه یدی تنیقلی بیر ژورنالیست قولگه آلیندی

میانمارده حربی تونتروو و سیلنگن حکومت منسوبلری نینگ نظارتگه آلینیشی گه قرشی اویوشتیریلگن ناراضی چیلیکلرگه خوفسیزلیک کوچلری نینگ قورال بیلن مداخله قیلیشی عاقبتیده حیاتینی یوقاتگنلر سانی 751 نفرگه ییتیب باردی.

 سیاسی محکوملرگه یاردم ییتکیزیب بیریش تشکیلاتی (AAPP)تامانیدن نشر قیلینگن راپورده سونگگی 24 ساعتده 6 نفرنینگ اولگن لیگی بیلدیریلدی.

خوددی شو راپورده توپلم اولیم سانی نینگ 751 نفرگه ییتیب بارگن لیگی 3 مینگ 431 کیشی نینگ نظارت گه آلینگن لیگی قید ایتیلدی.

مذکور راپورده تونترووگه قرشی تورگن 1159 کیشی حقیده قولگه آلیش قراری موجود ایکن لیگی معلوم قیلیندی.

شونده ی بولیب حربی تونترووگه قرشی ناراضیچیلیکلرنی قوللب – قوتله گن یازووچی و ژورنالیست تو تو تهانینگ نظارت گه آلینگن لیگی بیلدیریلدی.

میانمار نیو استیده گپیرگن عایله منسوبلری تهانینگ 18 یشر اوغلی بیلن بیرگه لیکده 24 اپریلده یریم کیچه اوییده نظارت گه آلینگن لیگینی بیلدیردی.