اوکراین نینگ شرقیده گی دونباس منطقه سیده بیر عسکر اولدی

اوکراین نینگ شرقیده گی دونباس منطقه سیده ایریلیقچی لرنینگ اوق اوزیشی عاقبتیده بیر عسکر اولدی.

اوکراین قوراللی کوچلری قوماندان لیگی تامانیدن بیریلگن بیاناتگه کوره, ایریلیقچیلرنینگ, کیچه نینگ یریمی دن ایرته لب ساعت 7 گه قدر 8 مراتبه آتشکیسین نی اخلال قیلگن لیگی بیلدیریلدی.

دونباسده ایریلیقچی لرنینگ اوق اوزیشی عاقبتیده بیر نفر اوکراین لیک عسکر نینگ جان بیرگن لیگی بیلدیریلگن بیاناتده, اوروپا خوفسیزلیک و همکارلیک تشکیلاتی مسئول لری گه اوشبو موضوع بیلن علاقه لی معلومات بیریلگن لیگی ایسله تیلدی. 

اوکراین قوراللی کوچلری قوماندانی روسلان هومچوک, 30- مارچ کونی پارلمانده قیلگن صحبتیده, روسیه نینگ تطبیقات بهانه سی بیلن اوکراین چیگره لری گه عسکر یوباریاتگن لیگی نی بیلدیرگن ایدی. 

دونباس منطقه سیده گی بحران نینگ ییچیلیشی اوچون روسیه, اوکراین و اوروپا خوفسیزلیک و همکارلیک تشکیلاتی دن تشکیل تاپگن تامان لر, 2020- ییل 27 جولای کونی دن باشلب آتشکیسین گه قرار قیلگن ایدی. 

منطقه ده سوزده استقلالی نی اعلان قیلگن روسیه طرفداری ایریلیقچی لر بیلن کیف رهبریتی اورته سیده 2014- ییلدن بیری دوام ایتیاتگن توقنه شوولرده 13 مینگ دن آرتیق کیشی حیاتینی یوقاتدی.