امریکا قوشمه ایالتلری نینگ مسکو ده گی ایلچیسی واشنگتن گه کیتدی
روسیه هم واشنگتن ده گی ایلچیسی نی مسکو گه چقیرگن ایدی
امریکا قوشمه ایالتلری نینگ مسکوده گی ایلچیسی جان سولیون, مصلحت اوچون اولکه سی گه کیتدی.
روسیه نینگ تاس خبر آژانسی گه کوره, سولیون بوگون ایرته لب مسکو ده گی شرمتیوو هوا قونلغه سیدن واشنگتن گه جونب کیتگن.
امریکا قوشمه ایالتلری دولت رهبری جو بایدن روسیه جمهوررئیسی ولادیمیر پوتین نینگ "قاتل" ایکن لیگی نی بیلدیررایکن, پوتین نینگ امریکا سیلاو لری گه اره لشگن لیگی اوچون "جوابگر" بوله دیگن لیگی نی معلوم قیلگن ایدی.
اوشبو سوزلر آرتیدن 17 مارچ کونی روسیه تشقی ایشلر وزیرلیگی, واشنگتن ایلچیسی انتولی انتونوف نی مشوره اوچون مسکو گه چقیرگن ایدی.
کرملین نینگ تشقی سیاست مصلحتچیسی یوری اوشاکوف, 16- اپریل کونیده بیرگن بیاناتیده, امریکا قوشمه ایالتلری نینگ مسکو ده گی ایلچیسی سولیون نینگ "مشوره اوچون واشنگتن گه کیتیشی نی" توصیه ایتگن ایدی.
امریکا قوشمه ایالتلری تامانی, 19 اپریل کونی بیرگن بیاناتیده, سولیون نینگ جاری هفته ده مشوره اوچون واشنگتن گه کیته دیگن لیگی, کیین ایسه مسکو گه قیتیب باره دیگن لیگی نی بیلدیرگن ایدی.
علاقه لی ینگی لیکلر
اورته ییر دینگیزیده یوزلب قاچقین حیاتینی یوقاتدی
اورته ییر دینگیز ساحه لریده 23 اپریل تاریخیده یوزبیرگن کیمه حادثه سی گه تیگیشلی معلومات بیریلدی