میانمارده اولیم سانی کونسایین آرتیب بارماقده

اولکه ده حربی تونتروو حکومتی گه قرشی ناراضی چیلیک نمایشلری دوام ایتماقده

1619400
میانمارده اولیم سانی کونسایین آرتیب بارماقده

میانمارده حربی تونتروو و سیلنگن حکومت منسوبلری نینگ نظارتگه آلینیشی گه قرشی اویوشتیریلگن ناراضی چیلیکلرگه خوفسیزلیک کوچلری نینگ قورال بیلن مداخله قیلیشی عاقبتیده حیاتینی یوقاتگنلر سانی 706 نفرگه ییتیب باردی.

 سیاسی محکوملرگه یاردم ییتکیزیب بیریش تشکیلاتی (AAPP)تامانیدن نشر قیلینگن راپورده سونگگی 24 ساعتده 5 نفرنینگ اولگن لیگی بیلدیریلدی.

خوددی شو راپورده توپلم اولیم سانی نینگ 706 نفرگه ییتیب بارگن لیگی 3 مینگ 59 کیشی نینگ نظارت گه آلینگن لیگی قید ایتیلدی.

مذکور راپورده تونترووگه قرشی تورگن 657 کیشی حقیده قولگه آلیش قراری موجود ایکن لیگی معلوم قیلیندی.

شونده ی بولیب خلق ارا درجه لنتیرووچی تشکیلاتی Fitch Solutions، تونترووگه مظاهره لر تاثیر قالدیرگن میانمار اقتصادی نینگ جاری ییلده 20 فایز توشیشیدن خبر بیردی.

میانمار اردوسی 2020 ییلی 8 نوامبر تاریخیده فسادگه قول اوریلگن لیگی ادعاسی و اولکه ده سیاسی بحران نینگ تیرمه لب بایریشی نینگ ارتیدن 1 فبروریده باشقروونی قولگه کیریتیب آلگندی.

اردو اولکه نینگ رهبری و تشقی ایشلر وزیری بیلن بیر قطارده انچه ییتکچی و اقتدار حزبی ییتکچیسینی نظارت گه آلرکن بیر ییلگچه فوق العاده وضعیت ایتیب اعلان قیلگندی.

اولکه ده کینگ کولملی ناراضیچیلیک نمایشلری دوام ایترکن نظاتده گی یوقاری مرتبه لی حکومت ییتکچیلری حربی سودده تارتیلیب سود قیلینماقده.



علاقه لی ینگی لیکلر