میانمارده ملت وکیللرنینگ چین بویوک ایلچی لیگی بیلن علاقه ده بولیب یاردم طلب ایتگن لیگی بیلدیریلدی

میانمارده حربی تونتروو و سیلنگن حکومت منسوبلری نینگ نظارتگه آلینیشی گه قرشی اویوشتیریلگن ناراضی چیلیکلرگه خوفسیزلیک کوچلری نینگ قورال بیلن مداخله قیلیشی عاقبتیده حیاتینی یوقاتگنلر سانی 598 نفرگه ییتیب باردی.

 سیاسی محکوملرگه یاردم ییتکیزیب بیریش تشکیلاتی (AAPP)تامانیدن نشر قیلینگن راپورده سونگگی 24 ساعتده 17 نفرنینگ اولگن لیگی بیلدیریلدی.

خوددی شو راپورده توپلم اولیم سانی نینگ 598 نفرگه ییتیب بارگن لیگی 2 مینگ 847 کیشی نینگ نظارت گه آلینگن لیگی قید ایتیلدی.

تونترووگه قرشی تورگن 598 کیشی حقیده قولگه آلیش قراری موجود ایکن لیگی معلوم قیلیندی.

باشقه تاماندن میانمار ده سیلنگن حکومت نی قیته دن تیکلش اوچون سیلنگن ملت وکیللر تامانیدن قوریلگن ملی مجلس نی وکالت کمیته سی چین نینگ میانمارده گی بویوک ایلچی لیگی بیلن تونتروودن کیین ایلک مرته علاقه قورگن لیگی بیلدیریلدی.

The Irrawaddy خبر سایتی گه آتینی بیرمه ی گپیرگن ملی مجلس نی وکالت کمیته سی ییتکچیسی چین بویوک ایلچی باش قونسل بیلن تیلفون آرقه لی اوچره شیب یاردم طلب ایتگن لیکلرینی تیلگه آلگن.

قونسل نینگ ملی مجلس نی وکالت کمیته سی ییتکچیسی گه میانمارده یوز بیرگن بحران باعث خواطرلرینی تیلگه آلگن لیگی و اولکه گه برقرارلیک نینگ اورنه تیلیشینی آرزو قیلگن لیکلرینی بیلدیرگن لیگی قید ایتیلدی.