میانمارده اولیم سانی کوپه یدی عسکرلر کلیسالرگه باسیب کیریشدی

یوزلب کیشی حیاتینی یوقاتدی

1616211
میانمارده اولیم سانی کوپه یدی عسکرلر کلیسالرگه باسیب کیریشدی

 

میانمارده حربی تونتروو و سیلنگن حکومت منسوبلری نینگ نظارتگه آلینیشی گه قرشی اویوشتیریلگن ناراضی چیلیکلرگه خوفسیزلیک کوچلری نینگ قورال بیلن مداخله قیلیشی عاقبتیده حیاتینی یوقاتگنلر سانی 581 نفرگه ییتیب باردی.

 سیاسی محکوملرگه یاردم ییتکیزیب بیریش تشکیلاتی (AAPP)تامانیدن نشر قیلینگن راپورده سونگگی 24 ساعتده 11 نفرنینگ اولگن لیگی بیلدیریلدی.

خوددی شو راپورده توپلم اولیم سانی نینگ 581 نفرگه ییتیب بارگن لیگی 2 مینگ 750 کیشی نینگ نظارت گه آلینگن لیگی قید ایتیلدی.

تونترووگه قرشی تورگن 463 کیشی حقیده قولگه آلیش قراری موجود ایکن لیگی معلوم قیلیندی.

باشقه تاماندن میانمار اردوسی نینگ نمایشچیلرنی قیدیروو بهانه سی بیلن کاچین ایالتیده کلیسالرگه باسقین قیلیب کیرگن لیگی بیلدیریلدی.

 The Irrawaddyانترنیت سایتیده اورین آلگن خبرلرده بیلدیریلیشیچه مذکور ایالتگه باغلیق موهنیین تومنیده عسکرلر نمایشچیلرنینگ یشینگن لیگینی معلوم قیلیب بعضی بیر کلیسالرگه باسقین قیلیب کیرگن و انسانلرگه هجوم اویوشتیرگن.

عسکرلر باسقین قیلیب کیرگن کلیسالرنینگ ایشیکلرینی سیندیریب کیرگن لیگی و نرسه لرگه زیان ییتکیزگن لیگی افاده ایتیلدی.

 



علاقه لی ینگی لیکلر