اندونزیاده طبیعی آفت عاقبتیده اونلب کیشی جان بیردی

اندونزیانینگ شرقی نوسا تنگره ایالتیده قتّیق یاغینگرچیلیک سبب بولگن سیل حادثه لریده حیاتینی یوقاتگنلر سانی 55 نفرگه ییتدی. بو آفتده کمیده 42 کیشی نینگ لادرک بولگن لیگی 9 کیشی نینگ اولیب یره لنگن لیگی بیلدیریلدی.

اندونزیا ملی آفت باشقرووی سوزچیسی رادیتیا جتی بیرگن بیاناتده توناون کونی فلوریس شهری نینگ شرقیده محلی وقت بیلن ساعت 11:00 ده یوز بیرگن یاغینگرچیلک نینگ سیل گه سبب بولگن لیگینی ایتدی.

جتی حلی گچه 55 کیشی نینگ اولگن لیگینی کمیده 42 کیشی نینگ لادرک بولگن لیگینی معلوم قیلرکن 9 کیشی نینگ یره لنگن لیگینی بیان ایتدی.

جتی آفت منطقه سیده مینگلب کیشی نینگ اوی – جاییدن بدرغه بولگن لیگینی برقلرنینگ کیسیلگن لیگینی و بعضی بیر یوللرنینگ یاپیلیب قالگن لیگینی قید ایتدی.

سیل نینگ آرتیدن یوزلب اوی – جای گه زیان ییتگن لیگی قیدیروو – قوتقروو فعالیتلری نینگ دوام ایتیب تورگن لیگی بیلدیریلدی.

اداره چیلر تلفات سانی نینگ کوپه ییشیدن خواطر لنماقده.