جو بایدن کروناویروس گه قرشی ایملش توغریسیده دین عالملریدن یاردم طلب ایتدی

امریکا قوشمه ایالتلری دولت باشلیغی جو بایدن دینی عالملرنی، جمعیتلرینی ینگی تور کروناویروس (کوید-19) گه قرشی ایملنیشلری توغریسیده تشویق ایتیشلری بوییچه چقیریق قیلدی.

جو بایدن توناون کونی مینگدن ارتیق دینی ییتکچیلر و جمعیت نماینده لری بیلن جانلی روشده سوزلشدی.

اوچره شووده کوید-19 گه قرشی کوره ش توغریسیده محلی ییتکچیلرنینگ جوده مهم اورنی بولگن لیگینی اشاره قیلگن بایدن شولرنی ایتدی:

"سیزلرنی ایملش (واکسین) کلمه سینی ییره تیش و برچه نینگ نوبتی کیلگنده واکسین بولیش گه تشویق ایتیش گه چقیره من" دیب ایتدی.

بایدن انسانلرنینگ تکرار بیر جایده بولیشی و عبادتگاهلرنینگ قیته دن آچیلیشی اوچون کوید-19 نی برطرف ایتیش نینگ اهمیتی نی اورغوله دی.