میانمارده گی مظاهره لرده کمیده 56 کیشی حیاتی نی یوقاتدی

میانمارده حربی کودتا و سیلنگن حکومت اعضا لری نینگ اوشله نیشی گه قرشی بولیب اوتیاتگن ناراضی چیلیک نمایش لریده خوفسیزلیک کوچلری نینگ قوراللی مداخله سی نتیجه سیده کمیده 56 کیشی حیاتینی یوقاتدی. 

رویترز خبر آژانسی, مظاهره لرده کمیده 56 کیشی نینگ حیاتینی یوقاتگن لیگی نی بیلدیردی.

مدنی فعال کَرَن خین ایسه اولگن کیشی لر سانی نینگ کون دوامیده کوپه ییشی نینگ ممکن ایکن لیگی نی ایسله تیب اوتدی. 

خین, "اولگن مظاهره چیلرنینگ جسد لری نینگ حربی لر تامانیدن آلیب کیتیلگن لیگی اوچون ساحه ده اولگن کیشی لر سانی نی انیقلش ممکن بولمه یدی" دییه قید ایتدی. 

میانمار اردوسی, 2020- ییل 8 نوامبرده بولیب اوتگن سیلاوده فریبگرلیک بولگن لیگی ادعاسی آرتیدن 1 فبروری ده حربی کودتا بیلن قدرت نی قولگه کیریتدی. 

اردو, اولکه نینگ موجود رهبری و تشقی ایش لر وزیری داخل کوپلب مسئول کیشی بیلن اقتدارده گی حزب نینگ باشلیق لری نی اوشله دی و بیر ییللیک اضطراری حالت اعلان ایتدی. 

میانمارلیک لر ایسه 6 فبروری ده دموکراسی گه قیتیش طلبی بیلن مظاهره لر گه باشله دی.