کلمبیا ده منفجره مواد یوکلنگن موتر پارتله تیلدی

کلمبیا نینگ جنوبغربیده گی کاوکا ولایتی نینگ کارینتو تومنیده, شهردارلیک بناسی یقینیده منفجره مواد یوکلنگن موتر نینگ پارتله تیلیشی عاقبتیده کوپچیلیگی شهردارلیک پرسونلی بولگن 17 نفر یره لندی.

مسئول لر, حادثه نینگ تروریستیک هجوم دن عبارت ایکن لیگی نی بیلدیردی. 

یره لنگن کیشی لر تیگره کده گی کسلخانه لر گه آلیب باریلدی. 

انفجار نینگ تاثیری بیلن تیگره کده گی اوی لر و دوکان لر جدی روشده ضرر کوردی. 

جمهوررئیس ایوان دوکه, تویتر آرقه لی بیرگن بیاناتیده اوشبو هجوم نی قاره لب چیقدی.

دوکه, "تروریزم قورقاق لرنینگ سلاحی دن عبارت.  مجرم لرنینگ تاپیلیشی بوییچه خوفسیزلیک کوچلری گه تاپشیریق بیردیم.  قییرده بولمه سین تروریزم گه قرشی جدی روشده کوره ش آلیب باره میز" دییه قید ایتدی.