فرانسه اردوسی مالی ده تینچ اهالینی اولدیریش بیلن عیبلنماقده
مالی ده آو اوچون کیتگن آلتی نفر اولدیریلگن
فرانسیز بارخانه عملیاتی گه باغلیق کوچلرنینگ مالی نینگ شمال – شرقیده اویوشتیرگن عملیاتده 6 نفر تینچ اهالی نی اولدیرگن لیگی ادعا ایتیلدی.
بارخانه اوپراسیونیدن بیریلگن یازمه بیاناتده ایندلمانه منطقه سی گه 60 کیلومتر مصافه ده گی بیر ساحه ده تروریست جنگریلرگه قره ته عملیات اویوشتیرگن لیگی بیلدیریلدی.
بیاناتده حادثه بیلن تیگیشلی تلفات سانی حقیده معلومات بیریلمه دی، بیراق 3 ته موترسایکل نینگ یوق قیلینگن لیگی قید ایتیلدی.
محلی مطبوعاتده اورین آلگن خبرلرده ایسه بو هجوم عاقبتیده آو اوچون بارگن 6 ته یاش – ییگیت نینگ اولدیریلگن لیگی فرانسه نینگ تینچ اهالینی آماج قرار بیرگن لیگی ادعا ایتیلدی.
شاهدلرنینگ افاده لریگه تیانگن خبرلرده فرانسه اردوسی نینگ "قوراللی تروریستلر" دیب اته گن کیشیلرنینگ یاشلری نینگ 15 الی 20 آره سیده 6 ته یاش – ایگیت ایکن لیگی معلوم قیلیندی.
بو یاش – ایگیتلرنینگ هوا عملیاتی اویوشتیریلگن منطقه گه 3 ته موتر سایکل و میلتیق آرقه لی تاووشقان و ککلیک آولش اوچون کیلگن لیگی بیلدیریلدی.
مالیده جایلشگن فرانسیز اردوسی جنوری آییده هم شونقه بیر عیبلاوگه دوچ قالگندی.
علاقه لی ینگی لیکلر
اوکراین تشقی ایشلر وزیری ایردوغان نی مقته دی
اوکراین تشقی ایشلر وزیری تورکیه جمهور باشلیغی ایردوغان نینگ بویوک بیر رهبر ایکن لیگینی ایتدی
مسکوده گی ترورچیلیک هجومی عاقبتیده حیاتینی یوقاتگنلرنینگ سانی 143 گه ییتدی
موضوع بوییچه روسیه عاجل وضعیتلر وزیرلیگی تامانیدن معلومات بیریلدی