افغانستانلیک مهاجر لر پاریسده کمپ قوردی
مهاجر لر اوز لری نینگ یمان شرایطی نی فرانسه حکومتی گه بیلدیریش اوچون بو ایشنی قیلگن
فرانسه پایتختی پاریسده, کوپلب اویوشمه لر ییتکچیلیگیده, کوپچیلیگی افغانستانلیک لر دن عبارت بولگن آره سیده باله لر و عیال لرنینگ هم اورین آلگن ناقانونی مهاجر لر, ریپابلیک میدانیده کمپ قوریب, حکومت گه عکس العمل کورستدی.
افغانستان باله لری اویوشمه سی نینگ باشلیغی رضا جعفری اوشبو توغریده بیانات بیردی.
جعفری, "مهاجر لر اویوشمه لر بیلن بیرگه پاریسده گی وضعیت لری نینگ انعکاس ایتتیریلیشی اوچون بو ایش نی قیلدی. (پاریس امنیه قوماندانی) دیدیر لالیمانت مهاجر لرنینگ پاریس ده خیمه قوریشی گه اجازت بیرمه لیگی اوچون فقط گینه پاریس نینگ تیگره گیده خیمه قوریش لری ممکن. بو آقشام ایسه کورینمه گن نرسه نینگ کورینه دیگن بیر وضعیت گه کیتیریش نی خواهله دیک" دییه قید ایتدی.
جعفری, پاریس شهردارلیگی نینگ بو کیچه کوچه لرده یشیاتگن کیشی لرنینگ سانی نی انیقلش گه حرکت قیلگن لیگی و اولرنینگ ایشی نی قولایلشتیریش مقصدی بیلن میدانده کمپ قورگن لیک لری نی معلوم قیلدی.
ناقانونی مهاجر لرنینگ قبول قیلینیشی نی طلب ایتیاتگن لیک لری نی معلوم قیلگن جعفری, مهاجر لرنینگ اینگ اساسی حق دن عبارت یشه یدیگن بیر جای گه ایگه بولیش حقی دن محروم ایکن لیک لری نی بیلدیردی.
جعفری, "انسان حق لری اولکه سیده عایله لرنینگ کوپریک لرنینگ تگیده قالیشی نینگ قبول قیلینیشی ممکن ایمس" دییه قید ایتدی.
24 نوامبر کونیده هم مهاجر لر ریپابلیک میدانیده کمپ قوررایکن, پولیس 500 گه یقین مهاجر نی منطقه ده هیده ب یوبارگن ایدی.
