امریکا قوشمه ایالتلریده مینگلب آته- آنه سیز ناقانونی مهاجر باله اوشلنگن

امریکا قوشمه ایالتلری مدافعه وزیرلیگی (پنتاگون), ناقانونی روشده مکسیکو دن کیلگن مهاجر لر نی جایلشتیریش اوچون تکزاس ده گی ایککی مرکزی ده ساغلیق و انسانی خدمت لر وزیرلیگی گه جای اجره تگن لیگی نی بیلدیردی.

پنتاگون تامانیدن بیریلگن بیاناتگه کوره, مهاجر باله لرنینگ بیر قسمی تکزاس ایالتیده گی لکلاند و فورد بلیس مرکز لری گه جایلشتیریله دی. 

امریکا قوشمه ایالتلری چیگره سیده گی مهاجر لر بوییچه بحران چقورلشرایکن, رسمی معلومات لرگه کوره, جنوری آییده 5 مینگ 600, فبروری ده 9 مینگ 300 و مارچ آیی نینگ دستلبکی 20 کونیده ایسه 11 مینگ آته- آنه سیز ناقانونی مهاجر باله اوشلنگن. 

حاضرگی کونده تقریباً 11 مینگ باله, ساغلیق و انسانی خدمت لر وزیرلیگی نینگ فرقلی مرکز لری ده یشرایکن, 15 مینگ دن آرتیق باله اوچون اوشبو وزیرلیک نینگ جای قیدیریاتگن لیگی بیلدیریلگن ایدی.