پوتین نینگ نماینده سی کابلوف: افغانستانده موقتی ائتلاف حکومت بیلن ییچیم تاپیلیشی ممکن

کابلوف انترنیت آرقه لی جانلی روشده مطبوعات کنفرانس اویوشتیریب افغانستان مسئله سی بوییچه بیانات بیری

1607804
پوتین نینگ نماینده سی کابلوف: افغانستانده موقتی ائتلاف حکومت بیلن ییچیم تاپیلیشی ممکن

روسیه دولت باشلیغی ویلادیمیر پوتین نینگ افغانستان خاص نماینده سی ضمیر کابلوف افغانستان مسئله سی گه اولکه ده موقتی ائتلاف حکومتی ایجاد ایتیلیشی بیلن ییچیم تاپیلیشی نینگ ممکن ایکن لیگینی ایتدی.

کابلوف پایتخت مسکوده اوتکزگن انترنیت آرقه لی جانلی روشده گی مطبوعات کنفرانسده قطرنینگ پایتختی دوحه ده گی مذاکره لرنینگ توختب قالگن لیگینی معلوم قیلیب اوتگن هفته پایتخت مسکوده روسیه، امریکا قوشمه ایالتلری، چین و پاکستان نینگ افغانستان نماینده لری نینگ قتنشیشی بیلن افغانستان مسئله سی نینگ ییچیمی بیلن تیگیشلی کینگ کولملی جلسه اوتکزیلگن لیگینی ایسله تیب اوتدی.

کابلوف جلسه ده بیریلگن مشترک بیانات بیلن نه فقط طالبان گروهی افغانستانده اوروشه یاتگن ایککی تامانگه هم هجوملرنی توخته تیب قوییشلری بوییچه چقیریق قیلینگن لیگینی تیگیندی. کابلوف بو بیانات نینگ افغانلر ارا مذاکره لرنینگ کون ترتیبی نینگ تشکیل ایته جگینی تیلگه آلدی.

کابلوف امریکا قوشمه ایالتلری و طالبان گروهی اورته سیده تینچلیک کیلیشووی گه انچه آلدین قول قوییلگن لیگینی ایسله تدی.

"یو کیلیشوو امریکالیک عسکرلرنینگ 1 می گچه افغانستاندن چیقیب کیتیشینی اوز ایچی گه آلماقده. بو موضوع نینگ روسیه بیلن تیگیشلی ایمس. چونگه طالبان امریکا قوشمه ایالتی بیلن شو شکلده کیلیشیب آلگن. 2 مینگ نفر امریکالیک عسکرنینگ افغانستانده قالیشی ویا قالمه یشی اولکه ایچیده گی بویوک کوچ توازنی گه تاثیر قالدیرمه یدی" دیب گپیردی.

کابلوف بو کیلیشوونینگ عملی قیلینیشی کیره ک لیگینی اورغوله دی.

"امریکا قوشمه ایالتلری اوستیگه توشگن نی عملی قیلمه گن تقدیرده طالبان بونگه عکس العمل کورسته دی" دیب ایتدی.

کابلوف افغانستانده وقتینچه لیک ائتلاف حکومتی نینگ قوریلیش احتمالی بیلن تیگیشلی ایسه شولرنی ایتدی:

"امریکا قوشمه ایالتلری، چین و پاکستان کبی شریکلریمیز بیلن انگله گنیمیز شوکی بوندن ایریم یول یوق. افغانستانده ایککی تامان نینگ بیر بیرینی اولدیریشدن واز کیچیشی و اولکه نینگ مشترک باشقروو ریجه سینی تاپیشلری کیره ک. افغانستان معماسی گه وقتینچه لیک ائتلاف حکومتی ایجاد ایتیلیشی بیلن ییچیم نینگ ممکن دیب اویله یمیز"

کابلوف ایران نینگ اینگ قیسقه مدت جریانیده افغانستان ییچیم جریانی گه کیریشینی کوتگن لیگینی ایتدی.  



علاقه لی ینگی لیکلر