نایجریاده آلیب باریلگن عملیاتلرده اونلب تروریست جنگری اولدیریلدی

غربی افریقا اولکه سی نایجریانینگ شمال-شرقیده ترور تشکیلاتی بوکو حرام گه قرشی آلیب باریلگن عملیاتلرده 57 ته جنگری تاثیرسیز وضعیت گه کیلتیریلدی.

آتی نینگ بیریلیشینی خواهله مه گن بیر نفرعسکری مسؤل محلی مطبوعاتگه بیرگن بیاناتده اردو تامانیدن بورنو ایالتی نینگ دمبوعه و گوزه منطقه لریده بوکو حرام گه قره ته عملیات اویوشتیریلگن لیگی بیلدیریلدی.

بو عملیاتده 57 ته بوکو حرام منسوبی نینگ اولدیریلگن لیگی کوپلب تروریست جنگری نینگ یره لنیب قاچیب کیتگن لیگی قید ایتیلدی.

نایجریاده بوکو حرام تامانیدن 2009 ییلیدن بیر اویوشتیریلگن هجوملرده 20 مینگدن آرتیق کیشی اولدی.

ترور تشکیلاتی 2015 ییلیدن بیری اولکه نینگ قوشنی لری بولمیش کامرون، چاد و نیجرده هم هجوملر اویوشتیرماقده. چاد کولی منطقه سیده گی هجوملرده کمیده 2 مینگ کیشی حیاتینی یوقاتدی.

اولکه ده تروریستیک هجوملر و توقنه شوولر باعث یوز مینگلب کیشی بدرغه بولیب کیتدی.