بای اولکه لر بیلن قشاق اولکه لر آره سیده واکسین تامین ایتیلیشی توغریسیده انچه فرق بار

بای اولکه لرده عملی قیلینه دیگن ینگی تور کروناویروس (کوید-19) گه قرشی واکسین سانی بیلن قشاق اولکه تامین ایتگن واکسین سانی آره سیده گی فرق کونسایین کوپه ییب بارماقده.

دنیا ساغلیقنی سقلش تشکیلاتی باشلیغی Tedros Adhanom Ghebreyesus ، بای اولکه لرده عملی قیلینه دیگن ینگی تور کروناویروس (کوید-19) گه قرشی واکسین سانی بیلن قشاق اولکه لرگه واکسین تامین ایتیب بیره دیگن خلق ارا کوید-19 واکسینلری گلوبال ایریشیش پروگرامی COVAX تامانیدن تامین ایتیلگن واکسین سانی آره سیده گی فرق نینگ کونسایین کوپه ییب بارگن لیگینی ایتماقده.

تشکیلات نینگ سویس نینگ ژنو شهریده گی مرکزیده ویدیو کنفرانس آرقه لی مطبوعات گه بیانات بیردی.

آتلرینی توتمه ی بعضی بیر اولکه لرنینگ برچه نفوسی نی ایملش اوچون رقابت قیلیب تورگن لیگینی ایتدی و قشاق اولکه لرده حلی گچه واکسین نینگ ییتیب بارمه گن لیگینی افاده ایتدی.

جنوبی کوریانینگ یوکسک عایدگه ایگه اولکه بولگن حالده واکسین ایشلب چیقرووچیلر بیلن کیلیشووگه قول قوییش گه اورونمه گن لیگینی و COVAX دن کیله دیگن واکسین لرنی کوتیب تورگن لیگینی افاده ایتدی.  

باشقه تاماندن انگلستان ده اوکسفورد عالی بیلیم یورتی نینگ داری شرکتی بولمیش استره زنکه آرقه لی ایشلب چیقریلگن کوید-19 واکسینی نینگ امریکا قوشمه ایالتلریده دوام ایتیب تورگن 3- فاز فعالیتلریده 79 فایز تاثیرلی ایکن لیگینی ایسله تگن گبریزه بو واکسین نینگ قان لخته لشیشی ریسکی بولمه گن لیگی نینگ مهم ایکن لیگینی" تاکییدله دی.

"بو نتیجه لر استره زنکه واکسینی نینگ اعتمادلی و تاثیرلی ایکن لیگینی کورسته دی" دیدی.

شونده ی بولیب دنیا ساغلیقنی سقلش تشکیلاتی باشلیغی اورینباسری دوکتور ماریانژلا سیمائو ایسه افریقاده هیچ بیر اولکه نینگ استره زنکه واکسینی نی رد ایتمه گن لیگینی بیلدیردی.

سیمائو بو واکسین گه قره ته ایشانچ قیغولری نینگ اداغگه ییتیب بارگن لیگینی معلوم قیلیب "همه نرسه نورمال بولدی، افریقا قاره سیده استره زنکه نی قبول قیلمه گن هیچ بیر اولکه یوق " دیب گپیردی.